Nota de prensa
O voceiro do Mar do Grupo Popular, José Manuel Balseiro, explicou que o compromiso de execución desta actuación foi ratificado polo propio Presidente da Xunta
O PARLAMENTO GALEGO RESPALDA UNHA INICIATIVA DO GRUPO POPULAR PARA QUE PORTOS DE GALICIA INCLÚA UNHA PARTIDA PRESUPOSTARIA ESPECÍFICA PARA O DRAGADO INTEGRAL DAS DÁRSENAS DE FOZ
O dragado pasará de ser unha promesa incumprida do Goberno bipartito a unha realidade en 2012, froito do esforzo inversor da actual Xunta de Galicia
Esta actuación completará o dragado parcial executado o pasado mes de marzo, por vía de urxencia, pola administración autonómica popular e evitará o risco de varada das embarcacións
En época de bonanza, socialistas e nacionalistas desde a Xunta bipartita non foron quen de levar adiante esta actuación pese a ser unha reivindicación constante do sector pesqueiro e marítimo-recreativo
Santiago, 1 de decembro de 2011.- O Parlamento galego insta á Xunta de Galicia a incorporar unha partida orzamentaria específica, en contía suficiente, para o dragado integral do porto da localidade de Foz, de tal xeito que se garanta que as distintas embarcacións poidan efectuar con normalidade es manobras de atraque, entrada e saída da zona portuaria sen risco de varada. Así reza literalmente o acordo acadado na mañá de hoxe no seo da Comisión de Pesca e Marisqueo da Cámara galega e defendido polo deputado popular Jose Manuel Balseiro, quen foi o autor da iniciativa aprobada.
As tres forzas políticas do Parlamento (PP, PSOE e BNG) votaron favorablemente e fixeron posible o apoio unánime a este acordo que supón un mandato expreso ao ente público autonómico Portos de Galicia -dependente da Consellería do Mar- para que incorpore dentro das súas previsións orzamentarias unha consignación económica exclusiva “en contía suficiente” para facer realidade a execución deste proxecto o ano próximo.
COMPROMISO DIRECTO DE FEIJOO
Jose Manuel Balseiro explicou que o compromiso de execución desta actuación foi ratificado mesmo polo propio Presidente da Xunta, Alberto Núñez Feijóo, nas visitas que efectuou á localidade de Foz e significou tamén que formaba parte das actuacións comprometidas no programa electoral do Partido Popular. De feito os populares quixeron facerse eco dunha histórica reivindicación do sector pesqueiro e marítimo-recreativo desta localidade que alertaba ante as dificultades que se estaban a producir pola acumulación de sedimentos areosos nas distintas dársenas portuarias.
O deputado popular tamén quixo lembrar que socialistas e nacionalistas pese a mostrarse favorables “agora” a executar esta actuación, non foron quen de levala adiante na pasada lexislatura “pese a telo prometido e ainda que daquela gozaban dunha época de bonanza, sen as dificultades actuais propias dos axustes orzamentarios”.
Balseiro salientou que “o dragado integral en Foz grazas a este mandato pasará de ser unha promesa incumprida do anterior Goberno bipartito a unha realidade que disporá de consignación orzamentaria expresa froito do esforzo inversor da actual Xunta de Galicia”.
COMPLETARÁ O DRAGADO PARCIAL DO MES DE MARZO
O dragado integral das dársenas porturias de Foz completará o dragado parcial executado en vía de urxencia pola administración autonómica popular o pasado mes de marzo. Daquela, Portos de Galicia retirou parte dos depósitos areosos que se acumulaban na zona.
Con todo, o dragado integral permitirá desterrar todo risco de varada de embarcacións e facilitará que se recupere a normalidade duns espazos portuarios chamados a converterse no futuro no corazón da vila de Foz, unha vez que se desenvolvan distintas actuacións de posta en valor dos mesmos.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
