Nota de prensa
O PP de Cervo négase a apoiar un incremento dos investimentos da Xunta en Cervo para 2012 por 1,3 millóns de euros para o dragado do encoro de Rúa, a construción do emisario submarino en San Cibrao e a redacción do proxecto do porto deportivo da localidade.
Estúa denunciou que Balseiro está mais preocupado de manter a súa cadeira no parlamento que de defender os intereses dos seus veciños.
O alcalde retiroulle a palabra a unha portavoz da oposición o que motivou que os dous grupos se levantasen do pleno nun dos puntos a debate.
Cervo, 2 de decembro de 2011. O BNG cualificou de indecente a actitude do portavoz do grupo municipal do PP, José Manuel Balseiro, que despois de faltar ao respecto aos portavoces da oposición e demostrar unha falta de educación indigna dun responsábel político aínda tivo arrestos para anunciar que o PP non apoiaría nin no pleno nin no parlamento o incremento dos investimentos da Xunta en Cervo para 2012 so porque estas propostas proviñan da oposición municipal. Para Estúa “Balseiro supliu a ausencia de argumentos con insultos e falta de respecto á oposición e demostrou que a súa preocupación principal é manter o escano no parlamento”.
O PP negouse a apoiar que a Xunta consigne partidas económicas nos orzamentos 2012 para o dragado do encoro de Rúa, o emisario submarino para o saneamento en San Cibrao e a redacción do proxecto do porto deportivo de San Cibrao.
Para o BNG o pleno de onte demostrou que ao Sr. Balseiro preocúpalle mais a súa cadeira no parlamento que cumprir cos seus veciños en Cervo ao anunciar a súa negativa a apoiar no parlamento emendas que pretendían incrementar en 1,3 millóns os investimentos da Xunta en Cervo para 2012 dedicadas ao dragado do encoro de Rúa, ao emisario submarino de San Cibrao e á redacción do proxecto do porto deportivo de San Cibrao, amplamente publicitado mais non realizado. “Si para Balseiro o único argumento é que as propostas proveñan do BNG fraco favor lle fai á democracia e menos aínda vendo o desprezo e ausencia de respecto que demostrou nas súas intervencións”. Para Estúa a negativa do PP a apoiar a urxencia desta iniciativa e tampouco votar favorabelmente as emendas presentadas no parlamento “fan a hipocrisía política do PP que anuncia e publicita actuacións que despois non se ven reflectidas nos orzamentos”.
Para o PP tampouco é urxente a retirada do protocolo remitido polo SERGAS aos centros de saúde que limitan o uso da tarxeta sanitaria a persoas sen recursos económicos(PSR) ou en situación de desemprego.
Tampouco o PP quixo apoiar a moción de urxencia nacionalista que instaba á retirada da do protocolo do SERGAS que limita ás persoas sen recursos económicos(PSR) ou en situación de desemprego(código 29) que impón volo vía dos feitos restricións no acceso á asistencia sanitaria programada, á prestación farmacéutica e unicamente ao servizo de urxencias baixo condicións tan demenciais como a sinatura dun compromiso de pago”. Segundo Estúa “o PP incumpre con este protocolo a Lei 8/2008 de saúde de Galiza que no seu artigo 4º garante a atención sanitaria universal sen poñer condicións ás circunstancias persoais ou sociais”, “o goberno do PP primeiro negou a existencia deste protocolo, despois botou as culpas a terceiros e por último tivo que recoñecer que se estaba excluíndo do dereito á asistencia pública universal e isto so foi posíbel grazas á presión social e política xa que as intencións estaban claras, limitar os dereitos asistenciais precisamente a que mais o necesita”, rematou Estúa.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
