Nota de prensa
A MARIÑA
Queremos Galego convoca para este 15 de decembro ás 11.30 unha concentración cidadá diante da sede do Valedor do Pobo
En protesta polo ditame supostamente favorábel á retirada dun libro de texto escolar por reproducir que “o galego é a lingua propia de Galiza”
O colectivo fai un chamamento a defender “o noso principal signo de identidade” reclamando o cese do Conselleiro de Educación ”que nin sequera cumpre os mínimos fixados no Estatuto de Autonomía”
A Mariña, 14 de decembro de 2011.- Tal e como xa foi adiantado na mañá de onte en conferencia de imprensa na cidade de Compostela, a plataforma cidadá Queremos Galego, integrada por máis de 700 entidades sociais de diferente tipoloxía, convoca para esta quinta feira (xoves) 15 de decembro ás 11.30 da mañá unha concentración diante da sede do Valedor do Pobo, en Santiago de Compostela. Ademais está convocada outra concentración o sábado 17 ás 17.00hrs. na Praza do Toural de Compostela onde reclamarán o cesamento do Valedor do Pobo e do Conselleiro de Educación e promoven sinaturas para que a cidadanía achegue ditas peticións á Presidenta do Parlamento e ao Presidente da Xunta, podendo formular estas peticións por medios informaticos.
O motivo da convocatoria é protestar pola resolución do Valedor de instar, tal e como recollían antonte algúns medios de comunicación, á retirada dun libro de texto da materia de Coñecemento do Medio que reproduce literalmente o artigo 5.1 do Estatuto de autonomía: “O galego é a lingua propia de Galiza”.
Para a plataforma cidadá é “un auténtico despropósito” que o representante dunha institución encargada de velar polos dereitos das cidadás e dos cidadáns de Galiza perante os poderes públicos do país, entre os que están os dereitos lingüísticos, “poida ditar unha recomendación que equivale a descoñecer lexislación lingüística tan básica como a que emana do Estatuto de autonomía”.
Para Queremos Galego, decisións tales como esta “inhabilitan” a Benigno López para seguir no seu cargo “nin un minuto máis”, toda vez que o actual titular xa se ten caracterizado noutras ocasións por declaracións e actuacións “pouco proclives a considerar o galego como unha lingua plenamente oficial”.
Por isto, ademais da concentración convocada para esta quinta feira a plataforma cidadá anima a toda a cidadanía a escribir á presidenta do Parlamento de Galiza, Pilar Rojo, para que cese a Benigno López a mesma institución pola que foi no seu día nomeado.
Petición para a Presidenta do Parlamento para o cese do Valedor do Pobo: https://docs.google.com/document/d/1C0tt1sjEzzR5RaUt6lp8JKMDroBrZVFqb7Gqh1WYbrA/edit?pli=1#
Peticion Presidente da Xunta para o cese do Conselleiro de Educación: https://docs.google.com/document/d/1HLlMXRZS-86cp_hlSEYna3C_vHTBC6TbN_96TtFKrY0/edit?pli=1#
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
