Nota de prensa
O Panificadora regala un punto ao Mesón Río Ulla en Vedra, a falta de dous minutos (3-3)
El Panificadora del Eo-Ribadeo FSF regaloulle un punto ao Mesón Río Ulla en Vedra (3-3), no tramo final dun encontro ao que Martínez tivo que desprazarse cun equipo moi novo debido a seis baixas de xogadoras que veñen sendo habituais nas últimas aliñacións. A falta de dous minutos para o final as ribadenses vencían por 1-3 e saboreaban a súa segunda vitoria consecutiva, pero os erros cometidos na fase final do partido amargáronlles a tarde.
O Panificadora era superior ao seu rival e disparaba con frecuencia á portería de Laura, pero unha vez máis, as xogadoras ribadenses déronse de bruzos co infortunio de cara ao gol. Elena, no minuto 12, conseguiu o 0-1 logo dunha serie de rexeitamentos do equipo local. Dous minutos máis tarde Ainoa subiu a igualada desde case vinte metros ao bater a Antía por alto, nun dos poucos disparos do equipo local á portería visitante durante a primeira metade. Aínda que as ribadenses seguían poñendo cerco á portería local, o marcador chegou inamovible ao descanso.
Na continuación as de Martínez insistían no acoso á portería de Laura, así no minuto 27 o colexiado non quixo ver un claro penalti sobre Tania Penabad na área local. Houbo que esperar ata o 31 para que Elvira conseguise de novo adiantar o Panificadora ao recibir un pase de Elena e bater por raso a Laura na súa saída. O 1-3 chegou por obra da capitá, María, de tiro cruzado no minuto 35.
A partir deste momento, as ribadenses empezaron a cometer algúns erros en defensa, véndose obrigadas a recorrer en ocasións a algunhas accións que o colexiado non dubidaba en sancionar como antirregulamentarias; acumularan as 5 faltas e Eva contactou cunha xogadora local cerca do punto de penalti da área ribadense que o colexiado sancionou como a sexta falta. Bego foi a encargada de subir o 2-3 a falta de dous minutos para o final. Pouco despois, un novo lanzamento desde os 10 metros foi detido por Antía. A xogada fatídica chegou a falta de 36 segundos cando o Mesón efectuou un saque de banda; o seu disparo a portería saíu rexeitado cara a unha das súas xogadoras, que de novo disparou con despexamento Antía, pero o balón caeu aos pés de Alba e esta conseguiu o 3-3 definitivo a porta baleira.
O próximo rival do Panificadora, despois do descanso do Nadal, será o Marcón de Pontevedra, equipo que ocupa a 5ª praza da clasificación (7 de xaneiro).
Provincial feminina. O encontro que debería disputarse en Ribadeo entre o Xoula e o Relúa FSF de Xermade foi aprazado a petición do equipo visitante.
Provincial masculina. Nova derrota como locais para os pupilos de Juan Fernández, que se viron superados polo CD Cubelas FS por 4-6 no duelo de rivalidade local.
Ficha técnica
Panificadora do Eo-Ribadeo FS: Antía, Eva, Elvira, María e Elena, cinco inicial; tamén xogaron Iria, Sabela, Tania Penabad e Arancha.
FSF Mesón Río Ulla: Laura, Ainoa, Marta, Vanessa e Doris, cinco inicial; tamén xogaron Alba, Ivanca, Bego, Alejandra e Valeria.
Árbitros: Gerardo Pájaro Castelao e Yayo Pájaro Gómez, de Santiago. Mostraron cartón amarelo a Ainoa e Bego, polo Mesón Río Ulla, e a Sabela, polo Panificadora.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
