A Mariña en Mondoñedo
O día dezasete de decembro de dous mil once entrou xa na historia inesquecible.
Disque dende o mil catrocentos oitenta e tres Pedro Pardo de Cela e os compañeiros decapitados na praza da catedral mindoniense manteñen alerta ós seus espíritus para impedir que ningunha outra forza invada nese día o mencionado recinto só pena de teren que responder a tal ousadía cun enfrontamento a morte.
Pois velaí que a alguén se le ocorriu elexir ese día tan singular para honrar a Cunqueiro co espectáculo A Noite de Merlín na esperanza de que os seus poderes máxicos nos iluminasen para emprender definitivamente o camiño da resurreción mindoniense. Mondoñedo e os seus arredores xa levan tempo á percura de conqueri-los esforzos e a unión imprescindibles para manter ergueitas as estructuras socioeconómicas e culturais, inquedanza parella á titánica loita das personas por conserva-la vida na terra que un ama, pero o Elsinor do Hamlet cunqueiriano onde ….”todo se nos vai pechando”, avanza implacable tal fose un agoiro maléfico, sen pausa e sen trégoa.
A Noite de Merlín era unha idea, un fermoso castelo bailando no aire, aboiando na ausencia de medios e na escaseza económica; nacera en pleno inverno a flor da utopía que sendo desexada pola maioría viuse obrigada a exercer de esmoleira, rezando de porta en porta a súa propia agonía ata atopa-los brazos de catro grupos de teatro da Mariña. O Bordelo de Cervo, A Adala de Fazouro, O Batán de Cangas e Raiolas de Alfoz, expertos en sacar da nada mil alegrías, non dubidaron en aportar material e os técnicos necesarios para construir no auditorio Pascual Veiga o aposento máxico a onde serían convocados polo tanxido das campás da cidade tódolos mindonienses , comarcanos e galegos agrupados en variados colectivos culturais , co amparo de organismos oficiais e co apoio das personas altruistas que tiveran a ben contribuir na percura da luz do Mago Merlín. Centos de nomes caberían aquí, centos de almas co mesmo sentir ás ordes dun mozo disposto a sufrir polo ben do seu pobo.
Por algunha razón incomprensible á mente dos humanos, na noite do quince ó dezaséis , un terceiro cuarto de lúa disfrazado de auga e vento, desatou tan despiadada tormenta que conseguiu arrancarlle-la alma ós Piñeiros do Reguengo. Desfeitos, anagados en bágoas, todo o hai que dicir, coa súa barca á deriva, relembraron aquel texto no que Cunqueiro dicía. “Estamos moi apretados por culpa do vento eirado, semellante a un grande exército oubeador que cercase á vila por toda unha longa noite”.
A véspera do dezasete amenceu tristeiro, cunha pesada lastra por riba. Semellaba que o teito do mundo cedera e non atopabamo-las forzas precisas para que de novo se erguera. Foi daquela cando a amizade a solidariedade e o compañeirismo das xentes de toda a Mariña, armados con flores , bicos e apertas achegáronse a Mondoñedo e coa súa importante presenza abriron a porta da irmandade , da calma e da esperanza.
Cos espíritus acougados, dispostos a compartir espazos e esforzos polo ben de todos, rematou o día adicado a Cunqueiro cunha maioría satisfeita e agradecida polo esforzo e polo traballo feito co cal se demostra que só coa unión se acadarán os futuros éxitos.
Dende o corazón do Reguengo, nas abas do Padornelo, mil grazas a todos por aportarnos calor , compartir sentimentos e por confiar en que aínda estamos a tempo de construir un futuro espléndido, o máis firme desexo da alma que vai camiño do ceo e de todos cantos amamos ás terras de Mondoñedo.
Francisco Piñeiro González
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
