Nota de prensa
O BNG DE FOZ DENUNCIA QUE O GOBERNO LOCAL SEGUE A SALTAR A LEI NAS CONTRATACIÓNS
“En Foz non cambiou nada; antes eran os socialistas e agora os populares os que non teñen ningún respecto pola lei” declara Basanta
Foz, a 9 de novembro de 2011.- O BNG de Foz quer manifestar que o actual goberno local segue a vulnerar a Lei de contratos como o facía o anterior goberno socialista o que significa que este goberno, como o anterior, non ten ningún respecto pola lei. Esta vez referente a adxudicación a través do procedemento de contrato menor de servizos de altas no catastro de bens inmobles de natureza urbana por un importe de 13.688,00 euros á mesma empresa que estaba realizando ditos traballos.
O caso é que esta empresa xa facturou este ano noutras dúas ocasións polo mesmo servizo, concretamente unha factura do 23 de febreiro por importe de 5.954,28 euros e outra do 5 de abril por importe de 13.995,98 euros. A primeira das facturas correspóndese cun contrato adxudicado mediante Resolución do anterior alcalde de data de 1 de outubro de 2010 por procedemento negociado sen publicidade por importe de 31.000 euros e que estendeu os seus efectos entre o remate de 2010 e inicios de 2011. A segunda das facturas, por importe de 13.995,98 euros non estaba xa amparada polo contrato anterior e foi obxecto dun informe desfavorable por parte de Intervención por entender que se vulneraba o procedemento legal de contratación, sendo non obstante aprobada pola Xunta de Goberno Local de data 25 de abril de 2011.
Pois ben, para o BNG é impresentable que novamente se tramite un novo contrato menor coa mesma empresa para a realización dos mesmo servizos, contrato que segundo a Providencia da alcaldía de 13 de outubro de 2011 ascende a 13.688,00 euros. Esta claro que con esta nova contratación estase cometendo un fraccionamento ilegal de contratos o que supón causa de nulidade. A maiores disto, o que xa abondaría para determinar a improcedencia do contrato, estase a vulnerar os principios de publicidade, concorrencia e obxectividade ao eludirse o procedemento correspondente de contratación, negociado ou aberto, por terse superado o importe legal para a contratación menor que é de 18.000 euros.
Para o BNG é moi grave que se sigan practicando desde o goberno municipal de Foz mecanismos de contratación irregulares e ilegais –con informes desfavorables de Intervención- sen os correspondentes expedientes de contratación obrigados por lei que abarquen a totalidade do obxecto contractual e garantan a observancia dos principios de publicidade, concorrencia e obxectividade, coas esixencias e contido marcadas pola Lei de Contratos do Sector Público e demais normas que a complementan.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
