Nota de prensa:
O Goberno que preside Alberto Núñez Feijóo está a desenvolver un grande esforzo económico en materia de fomento do emprego e mellora da capacidade de acceso ao mercado laboral de persoas en paro
BALSEIRO SUBLIÑA QUE A XUNTA DE GALICIA TEN INVESTIDO 1,6 MILLÓNS DE EUROS NA MARIÑA LUCENSE PARA A POSTA EN MARCHA DE DIVERSOS OBRADOIROS DE EMPREGO
Os participantes recibiron formación teórico-práctica en disciplinas tales como albañelería, xardinería ou atención sociosanitaria e executaron diversas actuacións consideradas de utilidade pública ou interese social entre as que se incluíron a construción de novas dotacións para os seus concellos.
Preto dun centenar de persoas residentes nos concellos de Ourol, Alfoz, Valadouro e Cervo foron os beneficiarios destes programas dirixidos a desempregados con idades comprendidas entre 25 e 65 anos.
Santiago, 27 de decembro de 2011.- O deputado autonómico do Partido Popular, Jose Manuel Balseiro Orol subliñou o esforzo que está a desenvolver o Goberno que preside Alberto Núñez Feijóo no ámbito do fomento do emprego tal e como demostran os 1,6 millóns de euros que a Xunta investiu na Mariña lucense para a posta en marcha de distintos obradoiros de emprego. Segundo explicou o deputado popular, nesta ocasión foron os concellos mariñáns de Ourol, Alfoz, Valadouro e Cervo os beneficiarios destes programas -subvencionados pola Consellería de Traballo e Benestar- nos que se une formación e práctica laboral e que están dirixidos á mellorar as oportunidades laborais de persoas paradas con idades comprendidas entre os 25 e os 65 anos.
Cadro.- Investimento da Xunta
Obradoiros de Emprego
Concello Total
OUROL 519.358,08
CERVO 581.167,44
RIO-OURO 519.357,60
Total na Mariña lucense 1.623.904,12 €
ACTIVIDADES DE UTILIDADE PÚBLICA E INTERESE SOCIAL
Os participantes nos obradoiros de emprego desenvolven diversas actuacións consideradas de utilidade pública ou interese social. No caso do obradoiro de emprego promovido pola mancomunidade “Rio de Ouro” que agrupa aos concellos de Alfoz e O Valadouro, os participantes recibiron formación en técnicas e operacións con formigón, instalacións e mantemento de xardíns e en instalacións de elementos de carpintería. No tocante ao obradoiro de emprego executado no concello de Ourol os seus participantes obtiveron experiencia laboral no ámbito da albanelería e o mantemento de xardíns e de feito unha das súas obras máis salientables é adecuación do parque infantil e biosaudable e do paseo peonil da Rega. En Cervo os alumnos-traballadores que formparon parte do obradoiro adquiriron coñecementos en disciplinas como a albanelería, medio ambiente-xardinería e atención sociosanitaria.
BENEFICIARIOS: SETENTA E CINCO DESEMPREGADOS
En total foron 75 as persoas que formaron parte como alumnos-traballadores nestes obradoiros. Todas elas inscritas no Servizo Público de Emprego de Galicia. Na selección de persoal valorouse, de xeito preferente, ás persoas desempregadas que tiveran esgotadas as súas prestacións. A formación que recibiron, de carácter fundamentalmente práctico, tiña por obxecto facilitar a integración no mercado laboral dos participantes. De feito, as estatística amosan que unha porcentaxe elevada atopa traballo na mesma especialidade na que adquiriron os coñecmentos. Con todo, hai que salientar que, ademais da propia formación profesional, durante toda a duración do proxecto proporciónaselle aos alumnos traballadores outros contidos formativos, como pode ser a orientación e asesoramento profesional, empresarial e laboral ou coñecementos en materia de alfabetización informática e prevención de riscos, todos eles unha vez superados dan dereito á acreditación correspondente. Aos 75 alumnos beneficiarios hai que engadir outras persoas que tamén atoparon o seu emprego no obradoiro, na súa condición de monitores e persoal de dirección e administrativo, polo que a cifra total se aproxima ao centenar de beneficiarios.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
