Nota de prensa:
Detrás da postura inmobilista e contraria ao consenso do Goberno provincial está un intento de aproveitar politicamente a difícil situación pola que pasan as persoas que perderon o seu posto de traballo e excluír ao organismo provincial de participar conxuntamente con outras administracións na procura de solucións
Elena Candia lamenta que o bipartito provincial rachara o consenso sobre a posta en marcha dun plan de emprego na Mariña
Socialistas e nacionalistas negáronse a asumir o acordo aprobado por unanimidade das tres forzas políticas no pleno municipal de Mondoñedo e que o PP propuxo como alternativa de consenso.
Lugo, 27 de decembro de 2011.- A portavoz do Partido Popular de Mondoñedo, Elena Candia, vén de lamentar que o bipartito provincial rachara o consenso existente ata o momento ao respecto da posta en marcha dun plan de emprego na Mariña lucense. Segundo explicou socialistas e nacionalistas negáronse a asumir na Deputación o texto do acordo aprobado por unanimidade das tres forzas políticas no pleno municipal de Mondoñedo, e cuxo contido o PP propuxo como acordo alternativo e de consenso.
PLAN DE EMPREGO
A proposta dos populares reproducía literalmente o acordo municipal acadado o 10 de decembro, no que se lle instaba ao grupo empresarial FINSA a reconsiderar a súa decisión de pechar a factoría ECAR e a estudar posibles alternativas para garantir a súa continuidade e a dos postos de traballo a ela aparellados. Ao mesmo temo se lle pedía ás administracións competentes ( nomeando de xeito expreso á Xunta de Galicia, á Deputación e ao Estado ) a formular un plano de desenvolvemento industrial con apoio público para contribuír á dinamización económica da comarca e, nomeadamente, dos concellos de Mondoñedo e Lourenzá.
Malia que socialistas e nacionalistas si votaron a favor deste acordo no Pleno de Mondoñedo decidiron cambiar de postura no debate acontecido esta mañá no Pleno da Deputación provincial, cerrando as portas ao consenso e obrigando ao PP a absterse na votación final.
APROVEITARSE DAS DIFICULTADES
Elena Candia considera que detrás da postura inmobilista e contraria ao consenso do Goberno provincial está un intento de aproveitar politicamente a difícil situación pola que pasan as persoas que perderon os seus postos de traballo, así como tamén a pretensión do bipartito de excluír á Deputación de participar conxuntamente con outras administración na procura de solucións para estes traballadores.
A líder dos populares mindonienses asegura que seguirán esforzándose e propoñendo alternativas en defensa do emprego e da recuperación produtiva da Mariña lucense e moi particularmente dos concellos de Mondoñedo e Lourenzá afectados por varias crises empresariais. Precisamente lembra que será mañá cando no Parlamento de Galicia se debata unha iniciativa popular que ten por obxecto pedirlle á Xunta que poña en marcha un plan de emprego. Alí espera que non aconteza como na Deputación e que, polo tanto, sexa posible acadar un acordo unánime.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
