O pasado día 19 de decembro acudín ao pleno do Concello de Xove no que se ían debater (impoñer, máis ben) os orzamentos para o vindeiro ano. Saín dalí con sensación de impotencia, pois sentín como o equipo de goberno se ría de todas e todos os veciños de Xove coa impunidade que lles dá a maioría absoluta.
Estes sentimentos explícanse ao escoitar de que xeito se poden chegar a xustificar uns orzamentos que non nos levan a ningures, á involución en todo caso. Resumindo: 45% para persoal, 45% para gasto corrente e 4% de investimento real. Co señor Salgueiro pasamos dun 30% de persoal a un 45% e dun investimento do 23% a un 4%. Pero o máis lamentable é que ese 4% de investimento se inviste en amañar pistas e accesos a vivendas particulares e colocar algunhas farolas. E disto non é culpable a crise, senón a avaricia de apañar uns votos para acadar a maioría absoluta da que agora goza. Non vou desgranar polo miúdo estes orzamentos, pero si vou pararme en varios puntos que me parecen importantes:
O señor alcalde tivo a valentía de recoñecer que o cadro de persoal está sobredimensionado, pois con el “poderíase atender un concello cunha poboación de máis de 10.000 habitantes” (Xove ten menos de 3.500). Pero, ao mesmo tempo que realiza este tipo de manifestacións, xustifica ese gasto polo elevado número de servizos sociais que ten o noso municipio. Agora ben, ¿que temos que non teñan os outros? ¿Cales son os servizos sociais que demandan todo este persoal? Eu non teño nada en contra de ningún deles, pero se queremos avanzar e progresar teremos que mudar o gasto en persoal por investimento. ¡Ollo!, pero non por un investimento tal e como o entende o señor Demetrio do PP (Pista e Poste), senón consolidando solo industrial e evitando a a especulación (calquera destas dúas medidas propostas polo BNG foron rexeitadas polo PP tanto no Concello coma na Xunta), axudando a autónomos (pero non dándolles un cheque de 1.200€ a cada un sen máis) e cambiando as políticas de emprego (pois dende o ano 2005 o número de parados é o mesmo: entre 130 e 170 persoas, isto quere dicir que non son acertadas).
Aínda que afondando neste último punto é doado de entender que non funcionen as políticas de emprego, xa que este ano sen ir máis alá entregóuselle a un empresario (antigo cargo político do concello) 6.000€ de subvención por ter como empregados o xenro, o fillo e o neto. Unha empresa familiar dos que ningún dos seus membros estivo nunca no paro.
Xosé Lois Iglesias Pérez
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
