Nota 1/2
Besteiro reclama á FEGAMP a creación urxente do grupo de traballo contra o despoboamento proposto no “Lugo Reacciona”
– Foi nesta xornada cando Deputación e FEGAMP perfilaron que podería ser un colectivo estable, composto por todos os grupos políticos e representantes municipais, que desenvolvería un programa de actuación contra a sangría demográfica que sofre Galicia
– O Presidente enviou unha carta ó novo Presidente da FEGAMP, remarcando a “urxente necesidade” deste grupo tras os últimos datos do IGE: 2021, Galicia terá 90.000 habitantes menos
O Presidente da Deputación, José Ramón Gómez Besteiro, enviou unha carta ó novo Presidente da Federación Galega de Municipios e Provincias (FEGAMP), José Manuel Rey Varela, reclamando á creación urxente do grupo de traballo contra o despoboamento na Comunidade proposto por Deputación e FEGAMP durante a 1ºxornada sobre demografía da provincia: “Lugo Reacciona. Debate con Propostas de futuro fronte ó despoboamento demográfico”. Foi neste encontro cando Gómez Besteiro e o anterior titular da FEGAMP, Carlos Fernández, propuxeron que podería ser un grupo estable, composto por todos os partidos políticos e responsables municipais, que tería por obxectivo o desenvolvemento dun programa con medidas de actuación concretas para facer fronte ó despoboamento.
No escrito, o titular provincial remarcou que este grupo de traballo “non é agora unha opción senón unha urxente necesidade”, tendo en conta os datos que vén de facer público o Institución Galego de Estatística e que amosan que as perspectivas de poboación de aquí a 10 anos son demoledoras. Segundo o IGE, no 2021 Galicia contará con 90.000 habitantes menos. Esta perda de poboación afectará, especialmente, ás provincias de Lugo e Ourense cun descenso de 7,5% e 7%, respectivamente, fronte unha caída de 2,4% na Coruña e 1,4% en Pontevedra. O desequilibrio poboacional farase especialmente patente en áreas como a parte oriental de Lugo. Na Fonsagrada, Os Ancares e Sarria o número de maiores de 65 anos cuadriplicará o de menores de 20 anos.
Ante esta situación, o Presidente subliñou o seu “convencemento da necesidade da creación urxente deste grupo de traballo estable para extraer propostas consensuadas e, sobre todo, reais que desenvolvan programas específicos que poñan freo dunha vez por todas ó problema máis serio ó que nos temos que enfrontar neste século”. Besteiro lembra ademais, que a Deputación de Lugo foi a primeira administración galega en reaccionar contra o despoboamento demográfico, “rachando o silencio administrativo, creando unha área propia de goberno e abrindo un foro de debate público e institucional”.
Negativa inxustificada da Xunta
O Presidente da Deputación considera aínda máis inxustificada a negativa da Xunta de Galicia, transmitida hai poucos días pola Conselleira de Traballo, Beatriz Mato, a concertar prazas na rede de residencias da terceira idade que vai financiar a Deputación de Lugo.
Os datos publicados esta semana polo IGE, ademais doutros importante documentos técnicos como o Plan Estratéxico da Provincia de Lugo, o Mapa Galego de Infraestruturas, Equipamentos Sociais, ou o MATIASS – documento base dos traballadores sociais para adxudicar prazas na Residencias- avalan que Lugo urxe de instalacións para a terceira idade e centros de día.
Hai que lembrar que a Conselleira afirmou literalmente, que Lugo “non era prioritario”
Nota 2/2
Carta ao presidente da Fegamp
DEPUTACIÓN DE LUGO
Presidencia Sr. D. José Manuel Rey Varela
Presidente da FEGAMP Lugo,27 de decembro de 2011
No ano que agora remata, a Deputación de Lugo acolleu a xornada Lugo Reocciona. Debate con propostas de futuro fronte ó despoboamento demogrófico, na que os mellores expertos de Galicia déronse cita para unir os seus esforzos na procura de solucións que permitan fixar poboación na nosa Comunidade. Durante esta xornada, o seu predecesor no cargo, Carlos Fernández, valorou positivamente a nosa proposta de crear un grupo de traballo permanente na FEGAMp, co obxectivo de desenvolver proxectos para loitar contra esta hemorraxia poboocional que dende hai tempo sufre Galicia, no que estivesen presentes todos os grupos e representantes políticos, así como responsables municipais. O lnst¡tuto Galego de Estatística ven de facer públicos os datos que amosan que as perspectivas de poboación de aquía dez anos son demoledoras: no2O2!, Galicia contará con 90’000 habitantes menos, aproximadamente. Esta perda de poboación afectará especialmente ás provincias de Lugo e Ourense, que experimentarán un descenso dun 7,5%o e un 7%o, respectivamente, fronte a ca ída de 2,4% e do !,4Yo da Coruña e Pontevedra, q ue a índa que son cifras menos acusadas seguen a ser preocupantes. O desequilibrio poboacional farase especialmente patente en áreas coma a parte oriental da provincia de Lugo: A Fonsagrada, Os Ancares e Sarria verán como o número de maiores de 65 anos cuadriplicará ó de menores de vinte. Son datos dramáticos, de continuar con esta tendencia en 140 anos Lugo e Ourense estarán despoboadas. Coincidirá comigo en que estas son cifras suficientemente desalentadoras como para que unha reacción inmediata, que poña freo á hemorraxia poboacional que estamos a sufrir, non sexa unha opción senón unha urxente necesidade. >> www,deputaclonlugo.org >> Page 2 A Deputación de Lugo foi pioneira en reaccionar contra o despoboamento demográfico rachando o silencio administrativo, creando unha área propia de goberno e abrindo un foro de debate público e institucional. Quero reiterar, polo tanto, o meu convencemento da necesidade da creación urxente deste grupo de traballo, estable, para extraer propostas consensuadas e, sobre todo, reais que desenvolvan programas específicos que poñan freo dunha vez por todas ó problema máis serio ó que nos temos que enfrontar neste século. Agardando a súa resposta, aproveito a ocasión para enviarlle un cordial saúdo
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
