Nota de prensa
O avogado dos traballadores afectados polo ERE actúa condicionado polo seu pasado como dirixente político do BNG
O PP acusa a Rodríguez Feixóo de aproveitar a súa condición de letrado para facer política e confundir aos traballadores de Mobles Hermida
• Os populares lamentan o intento do avogado de politizar un asunto que conta co informe favorable de dúas administracións que no momento de emitirse eran de distinta cor política: a inspección laboral do Ministerio de Traballo (PSOE) e a Dirección Xeral de Relacións Laborais (PP)
• O PP asegura que fraco favor fai aos seus representados se emprega argumentos políticos partidistas e non xurídicos na defensa dos seus intereses.
• Os populares indican que comprenden a mala situación pola que están a pasar os traballadores e aseguran que están buscando posibles solucións, de calquera xeito insisten en cualificar como erradas e inconvenientes as declaracións efectuadas polo letrado.
A Mariña, 04 de xaneiro de 2011. O Partido Popular da Mariña emitiu no día de hoxe un comunicado no que acusou a Alberte Xullo Rodríguez Feixóo, avogado dos traballadores afectados polo ERE da empresa Mobles Hermida, de aproveitar a súa condición de representante legal para “facer política e confundir aos seus representados”.
CONDICIONADO POLO PASADO NACIONALISTA
Os populares sinalan como “un feito inaudito e contrario a todo criterio deontolóxico” que o letrado empregue as súas manifestacións públicas en diversos medios de comunicación para arremeter con enorme belixerancia política contra o PP e emitir xuízos de valor cargados de “connotacións partidistas, sesgadas e cheas de prexuízos ideolóxicos”. Desde o PP consideran que o letrado actúa condicionado polo seu pasado como dirixente do BNG e aseguran que “fraco favor fai aos seus representados cando emprega argumentos partidistas e non xurídicos na defensa dos intereses destes traballadores”.
DÚAS ADMINISTRACIÓNS DE DISTINTA COR POLÍTICA
Os populares lamentan o intento do avogado por politizar un asunto que debera cinguirse a aspectos exclusivamente técnicos. Nese senso lembra que respecto da idoneidade de aprobar o ERE de Mobles Hermida existe o pronunciamento de dúas administracións distintas que, no momento de emitir os seus respectivos informes, tiñan unha cor política diferente. Desde o PP recordan que tanto a Inspección Laboral do Ministerio de Traballo (PSOE) como a Dirección Xeral de Relacións Laborais (PP) informaron favorablemente a aprobación do ERE de Mobles Hermida co obxecto de intentar garantir a viabilidade da empresa e a continuidade da maioría dos seus postos de traballo.
A ÚLTIMA PALABRA: A XUSTIZA
O PP da Mariña insiste en que si tal e como o propio letrado adianta teñen previsto presentar un recurso nos tribunais en contra da estimación do ERE será a Xustiza quen teña a última palabra neste asunto e, polo tanto, resulta “pouco ético, adiantarse aos pronunciamentos xudiciais que se produzan”. Segundo o PP o avogado non pode converterse en xuíz e parte facendo “xuízos de valor políticos que non se corresponden coa realidade”
Finalmente os populares indican que comprenden a mala situación pola que están a pasar os traballadores e aseguran, que desde o PP, están buscando posibles solucións. Os populares consideran que o que probablemente esperan os traballadores representados por este letrado é que cando teñan que pagar a súa minuta este pago se xustifique co traballo profesional de Rodríguez Feixóo e non a través de declaracións nos medios sen fundamento xurídico algún pero si chegas de partidismo e prexuízos políticos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
