Nota de prensa
O BURELA FS REGRESA ANTE O DIAMANTE RIOJA, CO DESAZO DA GRAVE LESIÓN DE LUCÍA
O Burela FS Pescados Rubén regresa á competición de Primeira e estrea 2012 o sábado en Vista Alegre (18.30 horas) ante o Diamante Rioja, co desazo da grave lesión de Lucía, tras o infortunio sufrido nun adestramento durante o Nadal. Nas últimas horas, o corpo médico do club confirmou a gravidade do diagnóstico, unha rotura completa de ligamento cruzado anterior que manterá a pichichi laranxa afastada das pistas probablemente ata finais da tempada.
Dende a oitava praza (16 puntos), as pupilas de Javier Pardeiro intentarán darlle continuidade ao bo xogo demostrado en Pamplona (Orvina 1-6) e brindarlle a vitoria a Lucía. O que fora equipo das laranxas Peque e Maite é décimo terceiro, con 9 puntos; ata o momento só conseguiu puntuar como local (Valladolid 2-1, UA Alicante 3-2 e Soto del Real 5-3).
“Estivemos adestrando ben durante o Nadal e volvemos con forza, aínda que algo tocados emocionalmente pola mala noticia de Lucía” dixo Javier Pardeiro, que insistiu en non subestimar o rival e na capacidade do Burela FS para loitar contra as adversidades: “Medímonos a un conxunto que non atravesa un bo momento pero está intentado mover o mercado para mellorar; ademais un dato a ter en conta é que na súa última cita a domicilio, ante o Ponte Ourense, foi por diante con 0-1 ata 8 minutos para o final. No que respecta ao noso traballo, rematamos o ano nunha boa liña, cun partido moi completo ante o Orvina, e temos que volver a ese camiño con máis ganas aínda se cabe para dedicarlle os tres puntos a Lucía” explicou o técnico laranxa.
Outro dos desaxustes nas filas burelistas para o sábado recae en Haydee, que arrastra dende hai días molestias de abductores. Segundo a información facilitada polo vestiario diamantino, “Bea Martín adestrou de forma individual para fortalecer o xeonllo e poder estar en plena forma para este partido. Será baixa Barbi por lesión”.
Sorteo Time Force. A entidade laranxa sorteará un Time Force, reloxo oficial da LNFS, o sábado 21 de xaneiro, coincidindo co seguinte encontro do Burela FS na casa, ante o Rubi. As rifas poderanse adquirir no pavillón Vista Alegre este mesmo sábado e nas oficinas do CD Burela FS (Arcadio Pardiñas, número 97, entresollado) ao prezo de 2 euros.
Calendario Laranxa 2012. O sábado tamén estará dispoñible no pavillón o Calendario Laranxa 2012, no que colaboran a xoiería Kessarys, Autos Morán, Concello de Burela, Alain Afflelou Óptico, confeitería Anduriña, Limpezas Lema, Grupo Chave de Ouro, Pescados Rubén, librería Cadernos, Living Sport, Palacio de Cristal e Sex Place. O almanaque, que inclúe a axenda ligueira dos equipos burelistas de Primeira División Feminina e Segunda División Masculina e un póster central coa foto da familia laranxa, tamén se pode adquirir nas oficinas do club e nas librerías burelás Cadernos, Auma, Atril, Quiosco Alicia e Espacio Lector Nobel, ademais da empresa colaboradora Alain Afflelou (prezo simbólico: 2 euros).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
