ADEUS A ISAAC
Con mala nova comezamos a xornada no día de onte. Un querido amigo, compañeiro da tertulia que celebramos cada mañán, foi quen nos díu a noticia: finou Isaac Díaz Pardo. Dada a súa idade ésta non podía sorprender, pero ocorre que hai persoas de tan fondo calado na sociedade que, chegada a inexorable hora do pasamento, a reacción espontánea resulta pouco menos que de incredibilidade.
Non vamos facer exaltación algúnha da personalidade de quen é sobradamente coñecido e por moitas capas da sociedade admirado. En todo caso xa o temos feito, desde estas páxinas, cando menos en dúas ocasións: o 8/ 8/ 08 e o 26/2/ 10, con ocasión de serlle concedidas as Medallas de Ouro de Galicia e a do Mérito nas Belas Artes, respectivamente, suxerindo o oportuno dunha homenaxe conxunta dos concellos mariñáns, como recoñecemento ós indubitables méritos do insigne intelectual e empresario.Pero xa se sabe o que pasa cos políticos cando de marchar unidos se trata…
Lembrábamos en ambos comentarios a positiva e transcendental incidencia que a obra de Isaac tivera, e ten, para a vida social, cultural e económica da Mariña, así como o prestixo que Sargadelos significou, e significa, para a bisbarra, que ten nel un dos seus primeiros atractivos turísticos , mesmo nese obxetivo, tan cacarexado, da desestacionalización turística que ó remate quédase en pura demagoxia, pois nunca os nosos gobernantes nin colectivos mais afectados fixeron ren por acadalo como, por outra banda, nos teñen acostumados.
Neste repaso a voapluma do carisma de Díaz Pardo permítanos, lector amigo, unha alusión persoal. Coñecimos a Isaac o ano 1971. Artellábamos nós a primeira edición do que foi un exitoso acontecemento: a Feira de Arte Popular de Galicia (nominación suxerida por él), que ofrecía o atractivo inédito naqueles tempos dos artesáns traballando á vista do público. Era evidente que a presencia de Sargadelos, que non levaba mais dun par de anos cos seus productos no mercado, sería dun beneficioso impacto. Presentámonos a Isaac, a quen non coñecíamos, e expuxemos a nosa intención ó tempo que solicitábamos a súa colaboración e asesoramento. A resposta foi de inmediato positiva: o seu fillo Xosé diseñou o cartel e a firma participaría cun stand que era, coido lembrar, a primeira vez que o facía nun certame desas características, para o que, ademais, dotouno dunha instalación ad hoc.
A partires daí mantivemos unha relación cordial que co tempo voltouse entrañable e ´epocas houbo nas que, sempre por razóns puramente culturais e sociais, os nosos encontros foron mais frecuentes e intensos.
Isaac Díaz Pardo foi investido Cabaleiro da Orde do Mariscal Pardo de Cela pola Asociación O Mundo de Galea, nunha xornada inesquecible, cunha memorable intervención de Isaac que tivera por marco a Torre de Alfoz. Quédalle a este cronista a honra de ser partícipe activo na iniciativa e hoxe sente a mágoa da perda de quen, sendo personaxe único e irrepetible, foi entrañable amigo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
