FELIZ 2012?
Aínda que xa llo dixeran unas cantas veces a estas alturas. Como aínda estamos empezando e podemos ter esperanzas con este bisesto, no que de novo veremos como Venus interponse por diante do disco solar (algo que non volverá pasar en máis dun século) e como a conta longa do calendario maya chega a pechar o seu último baktún, empezando un novo ciclo. Nada diso nos levará ao cabo do mundo, por suposto, por máis que nolo sigan vendendo coma se tal cousa. O certo é que seguiremos, como sempre, aínda que con novos cambios… pasa sempre. Ano a ano.
Hai pouco máis de dez anos, co medo ao fundamentalismo coáronnos un contrato de seguridade que non podiamos rexeitar, no que se recortaban liberdades persoais e co que ademais a defensa de todo o cotarro levaríaa o matón do barrio. Polo si ou polo non, asinamos. Uns anos despois, o contrato que nos prometía dispor de diñeiro e converternos en propietarios de todos os luxos do progreso, comíase a autonomía económica pero non nos importou: os estados, bancos e mercados aseguraron que todo estaba pensado por e para nós. E até se puido ver por aí unha alegría no malgasto que algúns interpretaron como progreso, aquí quedounos para a posteridade as vergoñas urbanisticas de Ribadeo, Barreiros, Foz, Burela, San Ciprian, Xove, Viveiro e Vicedo. Por suposto, o que os compromisos internacionais nos deixaron de facer algo máis xusto co planeta estaban aí atrás para cando fixese falta sacarse unha foto de familia, e respecto da responsabilidade en xeral co futuro, sempre habería tempo. Nun certo momento, chegou a crise, asociada a unha voracidade insaciable: ademais de quedar con todo comezáronnos a esixir pagarlles máis, demostrando que o capital e os mercados son como un cocho da ceba, nunca teñen bastante, a diferencia e que o porco, matase e del unha vez ben morto aproveitase todo, do capital nin o matamos e sempre cheira a podre.
Agora co medo a que todo se afunda, recórtannos uns dereitos que, nos explican que son privilexios realmente. O medo serve tamén para convencernos de que os malos sexamos todos. E chega un novo ano e reclaman aínda máis. Así que feliz 2012, que o ano comeza e xa teñen que ir recortando e recortando.
Otero Regal
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
