Nota de prena
O BNG DE FOZ CUALIFICA O INFORME DE VIABILIDADE DA RESIDENCIA DE TOMADURA DE PELO
“O importante é saber cando estará feita”, declara Basanta
Foz, a 13 de xaneiro de 2012.- O BNG de Foz cualifica o informe presentado pola Xunta sobre una futura Residencia e Centro de Día en Foz como unha tomadura de pelo aos veciños e veciñas de Foz.
Un informe que non di nada novo e que obedece a unha manobra política
O informe denominado “Informe Urbanístico e Viabilidade de Parcela” non é máis que a un informe de dous folios sobre aspectos técnicos e urbanísticos da parcela cedida ao Concello polo Padroado do Asilo para a construción da Residencia, aspectos que todo o mundo xa sabe. O que nos parece unha indecencia é que este mini-informe se faga a través dunha consultora externa, cun custe que descoñecemos. “Non sabemos o que custou isto a todos os galegos e galegas pero o contido deste informe podería estar feito tanto polos técnicos do Concello de Foz como pola propia unidade técnica de obras e proxectos do Consorcio da Xunta. Para nós é un gasto do que se podía prescindir”. O BNG está convencido de que este informe obedece máis a unha manobra política de certa urxencia para saír do paso que a unha clara intención de levala a cabo.
Poucas prazas para as necesidades de Foz
A única novidade que transmite o informe refírese á capacidade da infraestrutura que se concreta en corenta prazas para Centro de Día e outras corenta para residentes pero en ningún caso se xustifica cales son as razóns para limitar a capacidade a ese número as prazas. Hai que dicir que a Corporación Municipal por unanimidade (PP, PSOE e BNG) acordará solicitar á Xunta unha Residencia para cen persoas e un Centro de Día con capacidade para cincuenta. Polo tanto, a proposta da Xunta quédase moi por debaixo dos intereses do Concello de Foz, sen dar razón de tal decisión. “Estou seguro de que coa xente de Foz que está noutras residencias da Mariña practicamente se cubrirían todas as prazas que a Xunta propón”, afirma Basanta.
Nada sobre prazos de execución nin de orzamentos
Por outro lado, nada di o informe sobre prazos de execución nin orzamentos dispoñibles e para o BNG como para a gran maioría dos veciños de Foz iso sería o máis importante, saber cando se comezará e rematará a obra e con que cartos se vai a facer. O resto é marear a perdiz e gañas de alongar no tempo a construción desta obra social fundamental para Foz. Para o BNG, se realmente a Xunta do PP tivera unha mínima vontade de facer o Centro Residencial de Día en Foz a obra estaría reflectida nos Orzamentos deste ano, cousa que non ocorre. “Algún deputado do PP estaría mellor calado cando fala da Residencia de Foz pois votou en contra de incluír unha partida para esta obra nos Orzamentos da Xunta para 2012”, afirma Basanta.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
