NOTA DE PRENSA:
O GRUPO MUNICIPAL DO PP CREE QUE O PSOE É O MENOS INDICADO PARA “POÑERSE MEDALLAS” POLO SANEAMENTO DA SENRA
Cervo, 12 de febreiro de 2009.- O Goberno local do Concello de Cervo cree que os socialistas deberían estar “caladiños” en lugar de vir á Senra a reunirse cós veciños para anunciarlles o financiamento das obras de saneamento desta parroquia.
En opinión dos integrantes do equipo de Goberno municipal o suposto compromiso anunciado o pasado martes polos delegados provinciais de Política Territorial e Medio Ambiente -Daniel Núñez e Eduardo Vidal-, e pola voceira socialista, Lara Méndez, de acometer esta infraestrutura é froito “do esforzo e das xestións” feitas polo alcalde conxuntamente cós veciños desta parroquia. “Que ninguén veña agora a poñerse medallas que non lle corresponden” sinalaron os populares cervenses en relación a este asunto.
Os responsables municipais lembraron que o saneamento da Senra -xunto có inicio da construción dunha estación de tratamento de auga potable en Rua (que abastecerá de suministro a Rúa, San Román e A Senra) e as obras de saneamento para Cervo e San Cirpián- foi unha das esixencias expostas polo equipo de goberno cervense diante da Xunta e do Ente Augas de Galicia como requisito “innegociable” do Concello de Cervo para desbloquear as obras de abastecemento de auga a Cervo e Burela. “Se por eles fora -dixeron os populares refirindose aos responsables socialistas- a Senra non disporía de saneamento. Tivo que ser o Concello quen presionara para que axunta se decidira a adoptar este compromiso. Por iso, parécenos dun cinismo político desmedido que os mesmos que pretendían deixar sen unha infraestrutura básica a uns núcleos de poboación cervenses en beneficio dun concello limítrofe sexan agora os que se presenten diante dos veciños coma artífices do logro” sentenciaron.
MÉNDEZ ANTEPÓN OS INTERESES DE BURELA AOS DE CERVO
O equipo de Goberno municipal tamén acusou a Lara Méndez de antepoñer os intereses de Burela aos do seu propio concello. “Non só nunca reivindicou o mesmo trato para os veciños do rural de Cervo no proxecto de abastecemento conxunto a Cervo e Burela; se non que hai seis meses permitiuse o luxo de presentarse diante do alcalde da man de Alfredo Llano para interceder por Burela e pedíndolle que Cervo desbloqueara as obras de abastecemento a este concello sen facer alusión algunha á necesidade do saneamento das parroquias que van subministrar a auga a este municipio veciño” aseguraron.
REUNIÓN CÓS VECIÑOS
Neste senso os populares de Cervo lembraron que Alfonso Villares leva mantido diversas reunións cos veciños da Senra. O pasado venres alcalde e veciños percorreron os terreos afectados pola ocupación do consorcio da rede de abastecemento de auga Cervo-Burela; e onte entregóuselles un plano coa superficie a ocupar por esta rede a cada un dos propietarios afectados. Asi mesmo, dende o Concello se está a apoiar a a reivindicación veciñal de obter un compromiso por escrito do responsable do Ente Augas de Galicia, José Luís Romero Valeiras, para que as obras de saneamento a esta parroquia estean licitadas antes de xuño de 2009, tal e coma se comprometera verbalmente co alcalde o pasado mes de setembro. Naquela ocasión o responsable do organismo dependente da Consellería de Medio Ambiente aseguroulle a Villares que Augas de Galicia licitaría as obras de saneamento para Cervo, A Senra e San Cirpián antes do vindeiro mes de xuño.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
