OS CHICAROS
Acaba de celebrar Foz a IX Festa do Berberecho, molusco vivaldo que aquí chamouse sempre chícaro, aínda que por Galicia adiante recibe istes nomes: croque, crica, caralleta, berberechiña, carneiro…J.V. Sueiro, xornalista e gastrónomo, di no seu libro “Manual do marisco”: “ existe a crencia de que algúns mariscos favorecen a vea amatoria dos que os comen. Poñen en situación, din; axudan a ese punto de enervamento que precede ó placer da parella humana, opinan…. Pero è que no berberecho esta característica lévana incorporada a algúns dos nomes galegos, xa que crica, berberechiña e incluso caralleta son sustantivos que afectan a zonas altamente eróticas da muller… “ Nas nosas pescudas non atopamos outro lugar no que se chamen chícaros , o que fai pensar que só en Foz reciben tal nome. Pregúntase un a qué ven trocalo, e por qué imos ser auto depredadores das nosas singularidades cando, como neste caso, trátase de algo que pertence ó noso patrimonio inmaterial, á nosa tradición, que debemos conservar, defender e espallar como algo propio e singular. Iste cronista reivindica o seu uso en toda ocasión. En 1996 foi a primeira festa , organizada pola ACIA, cando aínda eran chícaros…Desta vez, amais do atractivo larpeiro, o interese estaba no pregón a cargo do popular e querido Chingla a quen, en artigo publicado hai 20 anos, chamei O Cantor de Foz e del decía“:…ten as raíces mais fondas no noso mar; dende neno coñeceo os avatares da vida familiar que xiraba en torno á precariedade duns medios que debían chegar do océano inmenso. Os sons das sirenas dos barcos; a suave cadencia das ondas que morren na area da ribeira dos seus xogos infantís; os graznidos das gueivotas, enmarcaron as vivencias dos primeiros anos de quen, por razóns xenéticas, amosaba xa actitudes para o canto, que marcou o norte da súa vida. Unha vella melodía, cantada “a capella”, foi premiada con grandes aplausos. A lembranza daquel Foz dos anos xuvenís; das xentes e dos lugares que desfilan pola súa nostálxica cantiga “Eu quixera”, puxeron a nota emotiva nun pregón polo que foi moi felicitado..
Suso Fernández
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
