Nota de prensa
A xunta directiva do CD BURELA FS-PESCADOS RUBÉN, en relación aos feitos acaecidos no partido do pasado venres, quere pór de manifesto os seguintes extremos:
Primeiro.- Agradecemos aos afeccionados a súa presenza e ánimo ao equipo; o pavillón lucía de forma inmellorable coas máis de 1200 persoas que o ateigaban e que gozaron dun espectáculo que foi posteriormente emitido a través de Marca TV, froito do inmellorable traballo do presidente da LNFS, Sr. Lozano, e das xestións da Xunta Directiva do CD Burela FS. Cabe destacar que dos 16 pavillóns que forman a Segunda División, un dos cinco nos que esta tempada se emiten encontros a nivel internacional foi Vista Alegre, de Burela.
Segundo.- Censuramos do xeito máis enérxico a actuacion dun reducidísimo grupo de persoas que avergonzaron este Club, esta localidade e esta comarca, exhibindo unha pancarta a falta de tres minutos en contra dunha parte do equipo, cando se gañaba o partido, unha acción que desconcentrou a todo o persoal.
Terceiro.- A Xunta Directiva do CD Burela FS apoia de forma incondicional a peña A PATACA NARANXA, aínda que quere deixar claro que deplora a actitude duns poucos dos seus integrantes e dalgúns dos seus directivos, que perpetraron a bochornosa actuación desprestixiándose a si mesmos e non representando a ninguén.
Cuarto.- Esta Xunta Directiva non cre necesario ratificar o corpo técnico, xa que en ningún momento estivo cuestionado
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
