Nota de prensa
Os nacionalistas consideran que a modificación do IBI aprobada polo goberno do estado e unha inxerencia nas competencias municipais que non toca os bens de uso industrial e especiais que compoñen o groso da recadación do I.B.I. no concello de Cervo.
En Cervo o 100% dos 46.956 euros de incremento anual cargarase á conta das familias que xa están acumulando sobre as súas costas a factura da crise que non provocaron.
Estúa di que o incremento nos ingresos é ridículo e pediu o seu rexeitamento en pleno propoñendo outras alternativas fiscais para mellorar o financiamento do concello.
Cervo, 27 de xaneiro de 2012. O BNG levou a pleno unha moción para pedir o rexeitamento da suba do 10% do IBI aprobada polo Real Decreto Lei 20/2011 do goberno estatal do PP o pasado 29 de decembro. O portavoz municipal nacionalista, Xoán Antón Estúa aclarou que no caso de Cervo so afectará ás familias que asumirán o 100% do incremento do imposto xa que o groso dos ingresos que en Cervo proveñen dos bens de características especiais e industriais non se tocan e por tanto serán as economías domésticas quen asuman os 46.956 euros previstos como incremento de recadación en Cervo, unha cifra que Estúa cualificou de ridícula e inútil para mellorar as finanzas locais polo que propuxo actuacións alternativas para aumentar os ingresos municipais.
A medida non soluciona os problemas económicos do concello e grava as economías domesticas eludindo a responsabilidade de cambiar o modelo de financiamento dos concellos.
O BNG rexeitou o argumento do PP de que esta medida axuda ao financiamento dos concellos, e moito menos nos caso de Cervo onde o groso dos ingresos derivados do IBI proveñen dos bens de características especiais e industriais que o goberno do PP en Madrid non toca. Estúa aclarou que o 100% dos 46.956 euros no incremento previsto para o ano que 2012 coa aplicación desta medida asumirano as economías familiares que xa cargan co peso doutras xa tomadas polo actual e o anterior goberno estatal e galego. Para Estúa “os recortes de Feijoo e as medidas tomadas agora por Rajoy e as que están por vir van no camiño de afogar as economías familiares pero non tocan a quen mais pode e debe pagar”.
O nacionalista estimou ademais que a subida do IBI que o goberno estatal vendeu como unha axuda aos concellos, “non é tal, e escapa das súas responsabilidades para modificar dunha vez o sistema de financiamento local que no caso galego debería ter en conta a dispersión e o avellentamento da poboación”.
O incremento do 10% do IBI so son 46.956 euros mais, que non solucionan nada en Cervo polo que os nacionalistas propuxeron o seu rexeitamento e outras medidas alternativas.
O PP non quixo apoiar o rexeitamento da suba do IBI, a pesar do escaso incremento no ingreso previsto para o ano que ven que se limita a 46.956 euros pero tampouco toman ningunha medida a pesar de que está nas súas maos para tentar incrementar os ingresos sen gravar as economías mais débiles.
Redución de gastos superfluos, modificación da ordenanza reguladora do IBI e pasos adiante para aprobar as medidas contidas no Plan de Saneamento Económico-financeiro coa aprobación dunha nova ordenanza fiscal.
O BNG propuxo reducir os gastos superfluos como o da asesora, 21.000 euros anuais, o gabinete de prensa, arredor de 15.000 euros, e reducir os gastos en salarios do grupo de goberno que suma mais de 100.000 euro ao ano. Ademais pediron que se revisara a ordenanza Reguladora do Imposto de Bens Inmóbeis, para evitar gravar as economías mais débiles e a eliminación das bonificacións do 50% na cota do imposto para urbanización e promoción inmobiliaria existente na actualidade. Ademais insistiron en aprobar unha nova ordenanza fiscal sobre o Incremento do Valor dos Terreos de Natureza Urbana que está incluída no Plan de Saneamento Económico – Financeiro aprobado polo concello no 2009 pero sen executar.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
