Nota de prensa
30 empresarios lucenses coñecen como promocionar os seus negocios en Internet no curso que arranca hoxe no In Lugo
– O seminario Community Management para PEMES mostrará como gañar presenza na Rede para mellorar a comunicación cos clientes e incrementar a competitividade e beneficios
– As clases desenvolveranse tódolos venres ata o 24 de febreiro, en horario de 16:00 a 20:00 horas, nas instalacións do Centro de Innovación Social
Trinta empresarios da provincia empezaron hoxe o curso Community Management para PEMES organizado polo Centro de Innovación Social IN Lugo, no que coñecerán como promocionar os seus negocios en Internet. As clases desenvolveranse tódolos venres ata o 24 de febreiro, en horario de 16:00 a 20:00 horas, nas instalacións do In Lugo. Trátase de sesións totalmente prácticas nas que se mostrará como obter unha correcta presenza en Internet para, non só ampliar e mellorar a comunicación cos clientes dun xeito máis directo, senón tamén incrementar os beneficios dos negocios. Os participantes son na súa maioría autónomos e pequenos e medianos empresarios da provincia.
A chegada dos blogs e as redes sociais constitúen unha oportunidade para que empresas ou institucións poidan conectar con usuarios e clientes como nunca antes fixeran, respondendo de xeito inmediato ás súas demandas e cun menor custo. Unha proba delo é a compañía multinacional de novas tecnoloxías DELL, cuxa irrupción en Twitter no 2009 fixo que lograse 3 millóns de dólares en vendas directas a través desta canle.
Raúl Ordóñez, responsable de comunicación de InterQué Netwoks e profesor da acción formativa, avanza que no seminario “elaboraremos o noso propio Plan Social Media Marketing; crearemos un blog, manexaremos a nosa presencia nas redes sociais e tamén o noso posicionamento na Rede. Incidiremos na visibilidade, proactividade e reputación, os tres puntos claves para mellorar a nosa imaxe na rede e acadar beneficios”.
O éxito da iniciativa foi tal que a Deputación incrementou de 25 a 30 as prazas co obxectivo de beneficiar ó maior número posible de empresarios, pero mantendo a formación personalizada que ofrece o curso. As inscricións realizáronse por rigoroso orde de solicitude.
A boa acollida desta nova convocatoria súmase á acadada a semana pasada co curso Internet, o noso mellor aliado na busca de emprego, no que 30 desempregados coñeceron as numerosas posibilidades que ofrecen as novas tecnoloxías á hora de atopar traballo.
A cargo da Fundación TIC
O primeiro centro de innovación social en Galicia, In Lugo, foi creado en marzo de 2011 pola Deputación cun financiamento do 88,9% do Ministerio de Industria a través do Plan Avanza co fin de promover actuacións e servizos baseados nas novas tecnoloxías, encamiñados a mellorar a calidade de vida dos veciños da provincia e dinamizar o tecido económico. Neste 2012 inicia unha nova andaina na que, de ser xestionado directamente dende a Deputación, pasa a depender da Fundación TIC co fin de aforrar recursos e crear sinerxias. Contará cun orzamento global de 1,6 millóns de euros procedentes do Innova-TE2, o ambicioso programa tecnolóxico do organismo provincial que, dotado con 15 millóns de euros, está financiado ó 70% pola Unión Europea.
O In Lugo atópase na segunda planta da Escola de Imaxe e Son (EIS) da Fundación TIC, a localización máis axeitada, en tanto que se trata dun proxecto estreitamente vinculado coas novas tecnoloxías e a innovación, ó igual que o é a EIS, o único centro da provincia que imparte titulacións da rama audiovisual. Esta vinculación, tanto física, como de obxectivos, fai que o máis operativo sexa que a TIC pase a ocuparse da xestión do In Lugo, pois mellorará a súa eficiencia e aproveitaranse sinerxias.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
