Nota de prensa
QUIQUE GARCÍA NON CONTINUARÁ Á FRONTE DO BURELA FS
O técnico Quique García non continuará á fronte do CD Burela FS Pescados Rubén. A xunta directiva da entidade laranxa comunicoulle ao adestrador onte, tras o empate en Antequera (2-2), o seu cesamento.
“Vémonos obrigados a tomar a decisión co fin de tentar reorientar o camiño do equipo e endereitar os resultados. O traballo, a seriedade, a honestidade e a xustiza son algúns dos valores de fan de Quique García un grande adestrador e mellor persoa, aínda que o deporte non é sempre xusto e durante esta etapa en Burela a mala fortuna quixo que os resultados non acompañaran nas últimas xornadas” explicou a xunta directiva do club mariñán.
Enrique Javier García Martínez (Jaén, 1969) chegou á Mariña a comezos de tempada para dirixir a nave laranxa e deixar papeis tan brillantes como o 10-1 ante o Playas de Castellón ou o 10-3 fronte ao Manzanares e citas tan intensas como a Copa do Rei ante o Autos Lobelle FS (5-6). Tras unha excepcional traxectoria como xogador de elite, no Zeluan Jaén FS, Caja Segovia ou Playas de Castellón, e con numerosas convocatorias como internacional, Quique García asumiu a dirección do Extinman Andújar FS en 2003-04 para levalo á División de Prata nese mesmo exercicio; despois de máis de dúas tempadas no Fuconsa Jaén, o andaluz pechou 2010-11 no Algarinejo FS, de Primeira Nacional A. O ata agora técnico laranxa tamén posúe experiencia como seleccionador autonómico, cos combinados andaluces sub-21 e sub-18.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
