Nota de prensa
O programa Km0 contribúe a manter 850 empregos directos en 125 empresas de sectores estratéxicos da provincia
– A maioría das firmas coas que colabora a Deputación son de hostalería, pero tamén hai adegas, queixerías, fabeiros, produtores de embutidos, panaderías, pastelerías, obradoiros artesáns e colectivos vinculados coa pesca
– 275 persoas gozarán das 6 rutas desta semana, que discorrerán por Láncara, O Páramo, Paradela, Sarria, O Corgo, Ribadeo, a capital lucense, Sober e Monforte
– O Deputado José Ramón Val recibiu este martes a un grupo da Asociación de Viúvas Santa María do Campo de Ribadeo e a outro de individuais, que viaxaron á Zona Sur
O programa Km0.Deputación de Lugo contribúe a manter 850 postos de traballo directos en 125 empresas de sectores estratéxicos da provincia, como a hostalería, o comercio, a artesanía, o turismo e produtos agroalimentarios, pois os itinerarios organizados –cunha media de 1.200 participantes ó mes- inclúen paradas en establecementos dos mencionados ramos de actividade. A maioría das firmas coas que colabora a institución provincial son de hostalería (preto dun 64%), pero tamén hai adegas, queixerías, fabeiros, produtores de embutidos, panaderías, pastelerías, obradoiros artesáns e colectivos vinculados á pesca.
Esta semana, 275 persoas realizarán as 6 rutas programadas, que discorren por los municipios de Láncara, O Páramo, Paradela, Sarria, O Corgo, Ribadeo, a capital lucense, Sober e Monforte. Neste caso, veranse beneficiadas 11 PEMES de hostalería, artesanía e alimentación, que dan emprego de maneira directa a unhas 70 persoas.
O Deputado de Economía do Coñecemento, Emprendedores e Innovación, José Ramón Val, recibiu este martes no Salón de Actos de San Marcos ós dous primeiros grupos da semana: 48 integrantes da Asociación de Viúvas Santa María do Campo de Ribadeo e outras 48 persoas anotadas a nivel particular. Nos dous casos desprazáronse á Zona Sur, pero con percorridos distintos. Así, trala benvida de Val na Deputación e visitar o Mazo de Santa Combar, o colectivo ribadense repuxo forzas nunha comida na Casa Grande de Láncara, e achegouse despois á Ponte de Carracedo e ó Pazo da localidade lancaresa; ó Campo da Feira de Vilarmosteiro, no Páramo; e a San Facundo de Ribas de Miño, en Paradela. En canto ó outro grupo, composto por veciños da provincia anotados a nivel particular, trala recepción en San Marcos, deron un paseo polas beiras do río Miño, e, xa en Sarria, coñeceron as igrexas de Santiago de Barbadelo e La Merced, e a zona das Aceas, onde fixeron parte dunha ruta, ademais de achegarse á pastelería Maceda, xa no Corgo. A comida tivo lugar en Casa Caxigueiro do Concello sarriano.
O programa de Km0 continúa mañá mércores con itinerarios por Ribadeo e pola capital lucense, que realizarán un grupo de 48 universitarios do Campus de Lugo e outro de 35 do Centro de Día lucense das Gándaras, respectivamente. Os estudantes iniciarán o seu percorrido cunha visita á olería de Bonxe para logo, xa en Ribadeo, comer no restaurante La Cofradía de Rinlo, achegarse a Illa Pancha e ó forte de San Damián, e dar un paseo polo casco histórico da vila. Pola súa banda, os usuarios do Centro de Día das Gándaras, coñecerán as instalacións do Centro de Artesanía e Deseño (CENTRAD) da Deputación e o núcleo de Santa Eulalia de Bóveda, darán un paseo pola Muralla, e visitarán o centro de interpretación do monumento bimilenario, así como a Catedral lucense. A comida terá lugar no restaurante Los Robles.
O xoves conclúe a programación semanal con dúas rutas pola Zona Sur, das que gozarán un grupo de 48 integrantes da Asociación de Veciños de Orbazai, de Lugo, e outros 48 membros da Asociación de Pais de Nenos e Adolescentes con Necesidades Especiais (ASPANANE) de Viveiro. O colectivo lucense optou por un percorrido que inclúe paradas na Fundación TIC, dependente da Deputación, no restaurante soberino Parada Dos para comer, na zona de Muíños de Xábrega e nos Canóns do Sil, así como unha degustación na adega Noguedo. A agrupación de Viveiro coñecerá as dependencias do CENTRAD e viaxará despois á Ribeira Sacra para comer no restaurante JM de Monforte e dar un paseo en catamarán por Amandi.
A lista de colaboradores está aberta
A Deputación colabora na actualidade con 125 empresas e entidades de toda a provincia, pero todas aqueles interesados en formar parte da iniciativa poden facelo. Tan só teñen que dirixirse á entidade provincial, chamando ó numero de teléfono 982-26-74/75
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
