Notas de Prensa
QUINTANA: “O PP QUER A CAMPAÑA DA DIFAMACIÓN E A MENTIRA, POR ISO SE COLOCAN NA PRAZA DE PONTEVEDRA A ACUSAR AOS FISCAIS, O GOBERNO, A POLICÍA, ANTES QUE RECOÑECER OS PROBLEMAS DO SEU CABEZA DE LISTA POR A CORUÑA”
Fernando Blanco afirma que seguirá apoiando a Alcoa para manter os postos de traballo pero advirte de que “terán que pagar impostos en Galiza”
Burela, 15 Febreiro 09.- O candidato nacionalista á presidencia da Xunta, Anxo Quintana, participou esta mañá nun mitin no pavillón municipal de Burela, no que tamén interviron a tenente de alcalde, Neves Cando; o candidato número 3 pola provincia de Lugo, Manuel Parga, e o cabeza de lista, Fernando Blanco.
O líder nacionalista lembrou que nestes anos “fomos quen de mellorar. Vós nos destes o voso apoio hai un ano e nós cumprimos a palabra dada en Madrid. Fixémolo con dous deputados e un senador. Eles teñen moitos máis e non fixeron nada”, concluíu.
Iso é asi, tal e como indicou Quintana porque “cando temos que tomar unha decisión de quen nos acordamos é de todos vostedes. A xente non quere guerras, pero tampouco submisión. Quer un goberno que reclame con firmeza e xustiza o que lle corresponde”, dixo
Nese sentido, aludíu á súa experiencia que demostra que “en Madrid non regalan nada. Non hai amigos nin enemigos, só hai xente á que lle dá igual o que necesitemos. Chégalles con Euscadi e Cataluña pero nós tamén queremos”, exclamou.
Anxo Quintana asegurou que os nacionalistas “non lle temos medo ao debate” en contraste coa actitude do PP que “queren a campaña da difamación e a mentira. Téñenme dito de todo. Ata me acusaron de ter un minibar dun millón de pesetas e levei aos medios a comprobar que o que temos é unha nevera de 30 euros, ésa é a campaña do PP, de difamación, mentira”.
“Fixemos concursos públicos transparentes, equitativos e dacordo coa lei para o Consorcio Galego de Benestar”, continuou, “e eles din que entraron todos a dedo. Que lles pregunten aos seus alcaldes que estaban no tribunal”.
“É a campaña da mentira e a difamación que se resolve con transparencia. O señor Feijóo o que fai é acusar a todo o mundo”, continuou, e nesa liña, acusouno de “colocarse onte na praza de Pontevedra a acusar aos fiscais, ao goberno á policía e ata ao PP de Roma, antes que recoñecer os problemas do seu cabeza de lista pola Coruña”.
O líder nacionalista explicou que “os empresarios acuden a pedir créditos e non llelos dan. Queremos que Galiza conte cun ICO, unha banca pública que faga o que non fan os bancos tradicionais”, indicou, polo que explicou que “o único que está propondo medidas sociais e demócratas nesta campaña é o BNG. Porque queremos que as cousas cambien”.
Amosou a súa decepción polo feito de que “os movementos progresistas do mundo están demasiado acostumados a celebrar derrotas e eu quero celebrar victorias” e lembrou o sucedido en Chile con Salvador Allende, “levan toda a vida lembrándose do gran Allende. Eu non quero celebrar derrotas, senón celebrar victorias”.
Ensinarlles educación aos ricos e poderosos
Aludíu ao seu desezo de que non se lembre ao nacionalismo só polo feito ata agora e dixo que “quero que me recorden porque convertimos o porto de Alcoa no porto da mariña lucense, porque levamos o sistema galego de benestar a todo o país”.
“Agora precisamos do voso apoio para ensinarlles educación que di que non se pode falar coa boca chea”, ironizou, “ncheron a boca durante a época de Fraga e agora protestan, falan coa boca chea”.
Fernando Blanco
O cabeza de lista do BNG pola provincia de Lugo, Fernando Blanco, mostrou hoxe en Burela o seu “apoio aos postos de traballo de Alcoa”, pero insistiu en que “Alcoa ten que pagar os seus impostos en Galiza” porque, dixo “as empresas asentadas aquí deberán pagar aquí os seus impostos e non en Madrid”. Fernando Blanco afirmou que a factoría de San Cibrao é unha empresa estratéxica xa non só para a comarca da Mariña senón para o conxunto do país porque xera o 35% do PIB da provincia de Lugo e mantén uns 2.000 postos de traballo, entre empregos directos e indirectos, na comarca da Mariña, polo que mostrou o seu “compromiso” a “apoiar a súa actividade para que se manteñan os postros de traballo como primeiro obxectivo”.
Fernando Blanco afirmou que “diante desta crise económica hai dous modelos: o do Partido Popular, que propón baixar impostos e despido libre, e o do BNG, que propón subir os salarios, menter o emprego e aumentar a protección social”. Estas son, dixo Fernando Blanco, as receitas do BNG para saír desta crise económica, porque, dixo “non se lles pode facer pagar esta crise aos que non teñen culpa ningunha, aos traballadores e traballadoras”.
“O Goberno non nos cambiou”
O candidato nacionalista pola provincia de Lugo afirmou que “os do BNG seguimos estando onde estivemos sempre, ao lado dos traballadores, o Goberno non nos cambiu”, dixo. Fernando Blanco presentou ao BNG como “a forza política en ascenso en Galiza” e, neste sentido referiuse ás enquisas para afirmar que “xa ningunha nega, nin seguera as dos que nos miran mal, que o BNG vai subir” e insistiu en que “imos subir especialmente na provincia de Lugo de xeito moi notable”.
“Rajoy busca osíxeno en Galiza”
Fernando Blanco afirmou tamén que “a nós, aos do BNG, non nos fai falla vir á Mariña, porque xa estamos na Mariña” e “cansamonos de explicar alí onde imos que a merluza e o bonito que a xente ten no prato é de Burela ou de Viveiro” e contrapuxo “o compromiso do BNG coa comarca da Mariña” coa actitude do Partido Popular. “O señor Rajoy está agora moito por aquí, tivo que vir a Galiza, onde goberna o BNG, a osixenarse, ven a Galiza para fuxir do clima irrespirable que ten o PP en Madrid”, dixo o cabeza de lista do BNG por Lugo.
——–
O cabeza de lista do BNG interviu hoxe en Burela nun mitin xunto a Anxo Quintana
FERNANDO BLANCO SEGUIRÁ APOIANDO A ALCOA PARA QUE SE MANTEÑAN OS POSTOS DE TRABALLO PERO AFIRMA QUE “DEBERÁ PAGAR OS SEUS IMPOSTOS EN GALIZA”
Afirma que Rajoy “tivo que vir a Galiza, onde goberna o BNG, para osixenarse e fuxir do clima irrespirable do PP de Madrid”
Burela, 15 de febreiro. O cabeza de lista do BNG pola provincia de Lugo, Fernando Blanco, mostrou hoxe en Burela o seu “apoio aos postos de traballo de Alcoa”, pero insistiu en que “Alcoa ten que pagar os seus impostos en Galiza” porque, dixo “as empresas asentadas aquí deberán pagar aquí os seus impostos e non en Madrid”. Fernando Blanco afirmou que a factoría de San Cibrao é unha empresa estratéxica xa non só para a comarca da Mariña senón para o conxunto do país porque xera o 35% do PIB da provincia de Lugo e mantén uns 2.000 postos de traballo, entre empregos directos e indirectos, na comarca da Mariña, polo que mostrou o seu “compromiso” a “apoiar a súa actividade para que se manteñan os postros de traballo como primeiro obxectivo”.
No transcurso dun mitin no pavillón dos Institutos de Burela xunto ao candidato do BNG á presidencia da Xunta, Anxo Quintana, e ao número 3 da lista pola provincia de Lugo, Manuel Parga, Fernando Blanco afirmou que “diante desta crise económica hai dous modelos: o do Partido Popular, que propón baixar impostos e despido libre, e o do BNG, que propón subir os salarios, menter o emprego e aumentar a protección social”. Estas son, dixo Fernando Blanco, as receitas do BNG para saír desta crise económica, porque, dixo “non se lles pode facer pagar esta crise aos que non teñen culpa ningunha, aos traballadores e traballadoras”.
“O Goberno non nos cambiou”
O candidato nacionalista pola provincia de Lugo afirmou que “os do BNG seguimos estando onde estivemos sempre, ao lado dos traballadores, o Goberno non nos cambiu”, dixo. Fernando Blanco presentou ao BNG como “a forza política en ascenso en Galiza” e, neste sentido referiuse ás enquisas para afirmar que “xa ningunha nega, nin seguera as dos que nos miran mal, que o BNG vai subir” e insistiu en que “imos subir especialmente na provincia de Lugo de xeito moi notable”.
“Rajoy busca osíxeno en Galiza”
Fernando Blanco afirmou tamén que “a nós, aos do BNG, non nos fai falla vir á Mariña, porque xa estamos na Mariña” e “cansamonos de explicar alí onde imos que a merluza e o bonito que a xente ten no prato é de Burela ou de Viveiro” e contrapuxo “o compromiso do BNG coa comarca da Mariña” coa actitude do Partido Popular. “O señor Rajoy está agora moito por aquí, tivo que vir a Galiza, onde goberna o BNG, a osixenarse, ven a Galiza para fuxir do clima irrespirable que ten o PP en Madrid”, dixo o cabeza de lista do BNG por Lugo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
