Nota de prensa:
IAGO BARRO: ‘Estamos centrados no xogo e coa maior ilusión para desarmar o Gáldar Gran Canaria’
Vista Alegre acollerá mañá o que constitúe todo un clásico da Segunda División, na visita do Gáldar Gran Canaria FS ao Burela FS Pescados Rubén (18.30 horas), coa estrea de Julio Delgado á fronte do vestiario mariñán. Iago Barro, encargado de defender a meta laranxa nas últimas citas, trasladou a implicación do cadro por regresar aos bos resultados: “Estes días houbo cambios, pero nós debemos ser alleos. Estamos centrados no xogo, esforzándonos, e coa maior ilusión para desarmar o Gáldar”.
Catro posicións, aínda que tan só 2 puntos, afastan os insulares, sétimos, dos burelaos, undécimos. “Por tradición, os enfrontamentos co Gáldar sempre son moi intensos” dixo Iago Barro, que incidiu no impulso que experimentaron os canarios: “Tiveron un comezo moi irregular, en postos de descenso incluso, aínda que en xogo estaban tranquilos, como lle ocorre ao Burela FS; buscaron o revulsivo nos últimos movementos de inverno e estano atopando recuperando resultados e posicións”. “A veteranía é o maior perigo do rival, con xogadores que non se van do partido doadamente. Debemos levar o peso do encontro para contrarrestar esa experiencia” analizou o laranxa.
“É a hora de reaccionar. É o verdadeiro momento de unirnos todos, vestiario, corpo técnico, directiva e afección, e recuperar en Burela o fortín das tempadas anteriores. Temos que recuperar a plena confianza e volver colocar o equipo onde realmente merece” concluíu o meta viveirense.
Non só serán os laranxas os que presenten caras novas. Tras a marcha de Yoni en decembro, os insulares incorporaron a David Guerra e Gonzalo Martín do filial; tamén supliron a saída do porteiro Sergio Gama, con Dani Cabezón, procedente do UA Ceutí, e co regreso de Óscar Desa. A todas estas variantes tamén hai que engadir a ausencia de Safar, en pleno Campionato de Europa de Seleccións con Romanía, e a dúbida de Augusto, por unha escordadura leve de nocello.
Julio Delgado poderá contar con Clebinho, tras cumprir dous partidos de sanción; tamén entrará na convocatoria o porteiro trabadense Javier Fajardo, ante a ausencia de Brais, que segue arrastrando unha contractura
Na cita das illas os laranxas regresaron cos tres puntos (2-5). A última vez que os canarios visitaron Vista Alegre foi no apaixonante play off a tempada pasada, con 4-0 para os mariñáns.
Outros encontros da xornada. O posible impulso da xornada para os burelaos estará condicionado por outros tres encontros fundamentalmente. O UA Ceutí, oitavo con 25 puntos, visita a cancha do Sala 5 Martorel, cuarto (29); o Fuconsa Jaén defenderá a novena praza (25) recibindo o terceiro, Hotels Plaza Andorra (30); e o décimo, Hospitalet Bellsport (24), viaxará á pista do pechacancelas, Space Gasifred Ciutat d’Eivissa.
O CD Burela FS Pescados Rubén desexa transmitir o seu máis sentido pésame a familiares, amigos e compañeiros do policía burelao Rodrigo Maseda Lozano, falecido a semana pasada en acto de servizo na praia coruñesa de Orzán.
En recordo da súa memoria, o fútbol sala de Burela honrará a Rodrigo cun minuto de silencio no encontro de mañá (Vista Alegre), sábado, ante o Gáldar Gran Canaria FS, no que os xogadores laranxas amosarán os seus respectos portando un brazalete negro.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
