Nota de prensa
O Funeraria Apóstolo non deu respiro ao Ribadeo FSF (0-6)
Visitou o municipal de Ribadeo outro dos potentes de Autonómica, o Funeraria Apóstolo de Santiago, o equipo máis goleador e o menos goleado nesta tempada, que levou os tres puntos e endosou ao Panificadora del Eo-Ribadeo FSF 0-6.
As baixas que vén arrastrando o equipo mariñán obrigaron a Martínez a botar man de varias xogadoras do filial, o que debilitou as rotacións e só foron capaces de facer fronte ás santiaguesas na primeira metade, con 0-1 ao descanso; Belén anotou o tanto no minuto 7 na execución dunha falta por man ‘inexistente’ coa que o colexiado sancionou o equipo local. O Panificadora tivo as súas oportunidades; chegou con perigo á portería visitante, pero sen acerto, en accións illadas, principalmente de Nuria, Ana e Elvira.
Na segunda metade, a calidade fixo do Fune o claro dominador do encontro, pondo cerco á portería local, mentres que as ribadenses se repregaron en defensa. O 0-2 chegou no minuto 24, por mediación de Alba. De novo Belén e Alba, nos minutos 28 e 33, conseguiron o 0-3 e 0-4, respectivamente. As ribadenses intentaron reaccionar co apoio do público, achegando as súas liñas á portería rival, pero outra desafortunada xogada, moi protestada, foi sancionada polo colexiado con ‘penalti’, ao golpear o balón nas mans de Elena dentro da área. Encargouse Belén de transformalo pondo así o 0-5. O 0-6 definitivo chegou ao intentar Toñi desviar un centro chute desde a banda e introducir o balón en portería propia.
O Panificadora visitará Pontevedra a próxima xornada para medirse ao Leis, outro dos potentes da categoría, campión de liga da pasada tempada.
Provincial feminina. O Xoula Ribadeo venceu na Pastoriza por un avultado 0-4. O equipo local, un dos menos goleados da categoría, encaixa así a maior goleada na casa desta tempada. A pesar da escaseza de xogadoras dispoñibles, debido ás baixas que arrastra o Panificadora, coas que se presentou o filial Xoula en terras pastoricenses, non impediu que as ribadenses callasen un excelente partido. Ao descanso o resultado era de 0-1, obra de Ana Iglesias. Na segunda metade o Xoula selou o partido por mediación de Yoli e Elvira, en dúas ocasións. Polo Xoula, tamén xogaron Sabela, Iria e Antía. Esta vitoria afianza aínda máis o Xoula na segunda posición (36 puntos), a 8 puntos dos seus inmediatos seguidores e á espera de recibir a próxima fin de semana o Viveiro FSF, sexto (19), en derbi comarcal.
Provincial masculina. O Ribadeo conseguiu 3 puntos de ouro nas súas aspiracións a alcanzar os primeiros postos da clasificación, ao derrotar a domicilio o potente Amigos de Rábade FS, un dos candidatos ao ascenso. Os mariñáns marcharon ao descanso co marcador ao seu favor e aínda que na continuación o local igualou, foron de novo os da costa os que conseguiron desequilibrar o marcador. Importante é o compromiso do próximo sábado, que recibirá a visita do líder, Hotel Roma de Sarria; unha vitoria local daría opcións aos de Juan Fernández para aspirar aos postos de ascenso.
Ficha técnica
Panificadora del Eo-Ribadeo FS: Antía, Ana, Toñi, Elena e Nuria, cinco inicial; tamén xogaron Sabela, Elvira, Arancha, Iria e Tania Penabad.
Funeraria Apóstolo FS: Nerea, Ángela Nogueira, Belén (3), Alba (2) e Irene, cinco inicial; tamén xogaron Ángela Otero, Tere e Laura.
Árbitros: Jorge Goyos López e Vanesa Fernández Fernández, da delegación de Lugo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
