PROPAGANDA OU REALIDADE EN XOVE
Para o goberno municipal de Xove, segundo as declaracións dalgún dos seus membros, resulta que agora é prioritaria a actuación sobre “os problemas dos mozos e mozas do noso concello”; mais as solucións que nos ofrecen pasan por boas palabras e mellores intencións que desembocan nunha inconcreción decepciónante.
Unha desas promesas que levan tempo cacareando é a da construción de vivendas sociais para a xente nova, pero á hora da verdade o seu partido (o PP) votou no 2010 en contra dos pisos de protección solicitados para Xove polo grupo do BNG no Parlamento galego e, en troques, concedéronllas ao Concello de Trabada. Hai un par de meses, no 2011, os populares volveron opoñerse na cámara autonómica, outra volta, á aprobación de vivendas sociais para o noso municipio.
A inmediata consecuencia desta medida é que os mileuristas temos que vivir onde podemos e non onde queremos. Así e todo é moi doado criticar os xovenses que vivimos “obrigados” noutros concellos, sobre todo cando algúns dirixentes do executivo local cobran salarios de máis de 3.000€ e que, axudados das dietas ás que nin renuncian nin renunciarán, con crise ou sen ela, se achegan aos 4.000 euros mensuais. Con semellante salario, houbo quen se apurou a facer un chalé a pé de praia antes de aprobar o Plan de Ordenación do Litoral promovido polo seu propio partido e que lle prohibe ao resto dos mortais construír obra nova, por exemplo, en Portocelo. Hoxe lémbrome daquela famosa letanía de “o alcalde estase a enriquecer” que tanto pregoaban os de agora, aló polo ano 2006, a respecto do de antes.
O día 12 de novembro do 2007 o grupo municipal do PP presentou unha moción en Xove reclamándolle ao anterior goberno da Xunta de Galicia a apertura do dique norte de Alcoa, o corredor Barreiros-Ferrol, a ampliación do Hospital da Costa, vivendas sociais, plans pesqueiros e un longo etcétera. Ese mesmo mes o seu propio partido votou en contra da ampliación do polígono industrial de Camba e das vivendas sociais para Xove. Manda truco.
Xosé Lois Iglesias Pérez
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
