CERVO.- O grupo do PSOE no concello de Cervo presetou unha alegación solicitando a retirada da Ordenanza que regula a taxa para a prestación do servizo de gardería (PAI) por considerala inxusta e porque representa unha discriminación para as familias, despois de ter subvencionado unha gardería privada. Afirman tamén que descendeu o número de matrículas nun 55% e que algunhas familias optaron por levar os nenos a garderías de Burela e Xove.
NOTA DE PRENSA
O Grupo Municipal Socialista de Cervo presenta alegacións á “Baby taxa” esixindo a súa retirada
O número de matrículas no PAI de Cervo descende un 55%, e algúns pais optan por levar aos seus fillos a garderías de Burela e Xove
Os datos corroboran o que xa era de prever; a aplicación dunha taxa elevada e inxusta, a falla de información por parte do Concello e a mellor oferta doutros concellos veciños fixo que descendera un 55% o número de matrículas no PAI de Cervo.
Algunhas familias decidiron matricular os seus fillos noutros centros nos concellos veciños de Xove ou Burela, que ofrecen mellores prezos, e mellores servizos coma horarios ininterrompidos de 07:30 h – 21:30 h no caso de Burela, así coma transporte e comedor.
Outra das condicións que valoran os pais destes centros veciños á hora de matricular os seus fillos son a calidade das instalacións e os ratios profesor/neno. No caso do PAI de Cervo, as instalacións non son as mais axeitadas para albergar a estes nenos, xa que hai moita humidade nalgunha das paredes, e os metros cadrados das estancias son moi reducidos, tendo en conta o número de nenos que poden estar ao mesmo tempo nestas habitacións.
O Grupo Municipal Socialista de Cervo, reprocha ademais a Alfonso Villares que non quixera reunirse cos usuarios do PAI, tal y como pedimos os socialistas no Pleno onde se debateu á aplicación da taxa, amparándose en que os veciños de Cervo xa habían decidido nas urnas quen tiña que tomar decisións por eles. Esta actitude prepotente e chulesca é indigna dun mandatario, máxime cando se trata de asuntos tan delicados coma o coidado dos mais pequenos.
Temos que recordar ademais que o alcalde, á vista das críticas recibidas pola aplicación desta taxa, enviou unha carta aos usuarios do PAI intentando xustificar o pago da taxa escudándose en que viñan impostas pola Xunta. Pero tamén esqueceu neste caso o Sr. Villares, que estes prezos que recomendan para a rede de garderías e galescolas inclúen horarios ininterrompidos, e servizos coma transporte e comedor, cosa que non se da no caso do PAI de Cervo.
Un exemplo: unha familia de Burela con un fillo e unha renda media mensual pagaría por xornada completa ininterrompida, transporte e comedor 80 € máximo; si extrapolamos a Cervo, os pais teñen que aportar por unha xornada completa 110 € sen ningún tipo de servizo adicional, tendo que acudir ao centro nun horario non compatible co horario laboral e dispoñendo dunha persoa para acudir a recoller ao neno a hora de comer, posto que o PAI está pechado a hora do almorzo.
En definitiva, pedímoslle ao Alcalde de Cervo valentía política e vontade de servizo para retirar a taxa e para manter contactos cos usuarios e buscar fórmulas para compatibilizar a vida laboral e familiar dos veciños coa finalidade de dar servizos no concello evitando a emigración a concellos veciños.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
