Nota de prensa
O BURELA FS DESAFÍA O CLÁSICO PLAYAS DE CASTELLÓN
O Burela FS Pescados Rubén volverá pelexar por unha nova vitoria, despois de deixar no pasado unha etapa difícil, desafiando o clásico Playas de Castellón. O Poliesportiu Ciutat de Castelló acollerá a 22ª xornada da Segunda División o domingo, ás 12.00 horas.
Esta cita preséntase con ansias de play off para os dous equipos. Con 26 puntos e en postos da fase de ascenso, a escuadra laranxa chega con confianza, tras o triunfo da semana pasada ante o Hospitalet (6-4), para continuar a escalada de postos. Pola súa banda, os levantinos (23 puntos) tamén buscarán facerse co electrónico para afastarse do asedio do descenso e desquitarse da incisiva derrota da semana pasada en Martorell (9-1).
O Burela FS medirase a un equipo moi irregular en canto a resultados, pero que tamén ten moi clara a solidez da súa pista. Do Ciutat de Castelló tan só escaparon os tres puntos ante Oxipharma e Martorell, na segunda e sexta xornada respectivamente, e quedou o empate co Barcelona, no inicio da segunda volta.
Tras o fatídico accidente de Bebeto na xornada pasada, con fractura costal e perforación pulmonar, o paso das horas mitigou a preocupación da familia laranxa; o ala-pivote, ingresado no Hospital da Costa, amosa unha continua e paulatina mellora na súa saúde, día a día. Outra das ausencias nas filas laranxas para o domingo será o porteiro Brais, que afronta a última fase da recuperación de rotura de abdutor e, se todo vai ben, poderá reincorporarse ao grupo nun par de semanas; xunto a Iago Barro, esta semana viaxará o xuvenil Erik Campo para defender a meta mariñá.
Dato do enfrontamento. O castellonense é o equipo máis goleado da categoría, con 101 tantos encaixados. A este dato xa contribuíu o Burela FS na primeira volta como responsable do resultado máis contundente ao que tivo que facer fronte o Playas polo momento, 10-1.
Outras citas da xornada. Os laranxas teñen a tan só 3 puntos o Fuconsa Jaén (9º), que se baterá en duelo directo co UA Ceutí (8º, 31). Perseguindo a escuadra burelista, os máis próximos son UMA Antequera e Hospitalet, que, con 24 puntos, reciben a Andorra (7º, 31) e Maristas Valencia (13º, 23) respectivamente.
Próximo rival. A Segunda División descansará a vindeira semana, coincidindo coa celebración da Copa de España en Logroño (8-11 marzo). Tras esta pequena parada, o poder do líder, Oxipharma Granada, recalará na bomboneira o 17 de marzo (18.30 horas).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
