Nota de prensa
Unha decena de colexios e IES da provincia solicitaron ó Consorcio de Bombeiros actividades didácticas para uns 700 alumnos
– Atendendo estas peticións, os bombeiros de Barreiros realizaron este venres un simulacro no colexio Juan Rey do Concello de Lourenzá, contando coa participaron 123 rapaces
– É a cuarta demostración que, ata o momento, efectuan estes profesionais para que os nenos coñezan as pautas de conduta ante emerxencias e o funcionamento das instalacións contraincendios
– Ademais do laurentino, centros educativos de Barreiros, Xoxe e Viveiro xa se beneficiaron desta iniciativa que, nas vindeiras semanas, o Consorcio levará a colexios de Sarria, Cervo e Viveiro
Unha decena de colexios e institutos da provincia solicitaron ó Consorcio Provincial de Bombeiros, organismo asumido ó 50% por Deputación de Lugo e Xunta de Galicia, a realización de actividades didácticas para uns 700 alumnos. Estas realizanse nos propios centros educativos ou nos 5 complexos lugueses que, á espera de rematar coa labores de integración do de Monforte de Lemos, pertencen á entidade. A través de visitas, demostracións e simulacros, os rapaces coñecen, da man dos máis de 100 profesionais recén contratados para as instalacións contraincendios de Barreiros, Viveiro, Vilalba, Chantada e Sarria, o funcionamento deste servizo, os medios técnicos e humanos, así como as pautas de conduta básicas a seguir ante posibles emerxencias que poidan ocorrer en calquera escenario. Precisamente, o última destas actividades tivo lugar este venres no CEIP Juan Rey do Concello de Lourenzá a onde se achegaron os bombeiros de Barreiros e na que participaron 123 nenos de dito colexio.
Dende a posta en marcha dos parques de bombeiros, en maio de 2011, o Consorcio recibiu 9 solicitudes. Destas, 7 proveñen de centros educativos da Mariña e as 2 restantes da zona Sur. Do total de actividades, xa se realizaron 4 e nas próximas semanas levaranse a cabo as 5 restantes.
As accións didácticas xa realizadas, xunto a deste venres, son as seguintes:
– CEIP San Miguel (Barreiros): Foi o primeiro centro da provincia en demandar unha visita ó Consorcio de Bombeiros. Tivo lugar o 26 de xuño do pasado ano e consistiu nunha visita ó colexio dunha dotación de Barreiros para amosar a todos os alumnos, uns 60, medios materiais e o seu funcionamento.
– CEIP Caselles Rollán (Xove): 43 alumnos do colexio público xovense realizaron unha visita ó Parque de Bombeiros de Viveiro o 9 de decembro do pasado ano.
– CEIP Covas (Viveiro): As instalacións do centro de ensinanza acolleron o pasado 29 de febreiro un simulacro de evacuación dos seus 204 estudantes efectuada por un equipo do Parque vivariense.
Os centros de ensinanza que, nas vindeiras semanas, realizarán simulacros son:
– CEIP Nº1 de Cervo: 48 alumnos do centro realizarán unha visita ás dependencias do Parque de Viveiro.
– CEIP Díaz Freijo (Viveiro): Igual co colexio anterior, a actividade didáctica demandada é unha visita ó complexo contra incendios vivariense, na que participarán uns cen rapaces.
– IES Marqués de Sargadelos (Cervo): 28 estudantes de 1º da ESO do instituto cervense coñecerán o equipamento técnico e humano do Parque de Barreiros.
– Escola de Educación Infantil de Sarria: 56 nenos de entre 4 e 5 anos de idade desprazaranse ó Parque de Sarria para coñecer as instalacións.
– CPR Nuestra Señora de la Asunción: O complexo sarriano recibirá outra visita de 74 nenos de idades comprendidas entre os 3 e os 5 anos.
A gran importancia da formación en prevención dende unha idade temperá é o principio que inspira estas actividades, que calquera centro educativo -ben a través da dirección ou da Asociación de Nais e Pais (ANPA)- pode solicitar poñéndose en contacto co parque de bombeiros radicado na súa localidade ou co máis próximo á mesma.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
