Nota de prensa
Jose Manuel Balseiro pide aos representantes do bipartito provincial que deixen de enganar aos veciños desvirtuando o contido da proposta popular nun intento desesperado por xustificar a súa negativa e por limpar a súa mala conciencia
A INICIATIVA DO PP RECLAMABA ESTABLECER “EN COLABORACIÓN COA UE” O APROVEITAMENTO DOS DESCARTES PESQUEIROS PARA A SÚA DISTRIBUCIÓN ENTRE COMEDORES BENÉFICOS DA PROVINCIA
O PP asegura que a Deputación non fala co sector pois se non sabería que os propios pescadores apoian esta proposta e insiste na vergoña que supón defender que é mellor tirar o peixe ao lixo que darllo aos comedores sociais nun momento en que a crise fan tan necesario colaborar con estas entidades benéficas.
Se PSOE e BNG tivera vontade de axudar xa poderían estar colaborando coa Xunta na distribución do peixe e marisco requisado aos furtivos, pero nin nesto axudan.
Lugo, 17 de marzo de 2012.- O voceiro do Mar do Grupo Parlamentario Popular, Jose Manuel Balseiro saíu ao paso dos argumentos empregados pola Deputación de Lugo ante o que cualificou como un novo “intento desesperado” do bipartito provincial por xustificar a súa posición contraria á iniciativa do PP na que pedía o aproveitamento do peixe e marisco -comisado e procedente dos descartes- para a súa distribución entre comedores sociais.
O portavoz do Mar do PPdeG non dubida en considerar “patético e inaceptable” desde o punto de vista político a postura que defenden os actuais gobernantes da Deputación. Jose Manuel Balseiro insiste na vergoña que supón defender que é mellor tirar o peixe ao lixo ou devolvelo morto ao mar, que darllo aos comedores sociais nun momento en que a crise fai tan necesario colaborar con estas entidades benéficas. “Esta posición do bipartito tan só pode facerse ou desde a ignorancia máis absoluta en temas pesqueiros ou porque non se fala co sector”, pois desde o PP sosteñen “que os propios pescadores son os primeiros en apoiar este tipo de propostas”.
DESCARTES
Balseiro lembrou que aínda que neste momento a normativa comunitaria obriga a devolver ao mar o peixe capturado no aparello naquelas ocasións nas que se ten superado a couta máxima de captura dunha especie, a iniciativa popular non deixaba espazo para a dúbida e pedía negociar diante da Unión Europea “e en colaboración con ela” a articulación dun novo sistema de distribución deste peixe para que en vez de ser reintegrado ao mar, puidera descargarse en porto e ser incorporado aos menús dos comedores sociais.
Jose Manuel Balseiro pide aos representantes do bipartito provincial que “deixen de enganar aos veciños” desvirtuando o contido da proposta, nun “intento desesperado” por xustificar a súa negativa a apoiar a iniciativa do PP, e nun claro intento de “limpar a súa mala conciencia”.
Balseiro finalmente lembralles aos do bipartito provincial que o aproveitamento dos descartes para fins benéficos é ademais unha das propostas que se está a estudar na Unión Europea dentro dos asuntos a tratar ante a inminente reforma da Política Pesqueira Común. De feito a intención das institucións comunitarias é prohibir unha práctica -a dos descartes- que supón devolver o peixe morto ao mar e, polo tanto contaminar os caladoiros e afectar a sostibilidade do recurso. Con todo, o bipartito nin ten sequera escoitou os argumentos do PP en apoio desta iniciativa.
O portavoz do Mar do Grupo Parlamentario Popular insiste finalmente en que no Goberno da Deputación de Lugo non había “vontade real” en colaborar coa Xunta na distribución destes alimentos entre todas as entidades benéficas da provincia. Pois si ven no caso do peixe e marisco procedente dos descartes pesqueiros era preciso negociar previamente coa Unión Europea a articulación deste novo sistema, no outro caso, o do aproveitamento dos produtos do mar requisados en operación contra o furtivismo, “podían colaborar desde xa mesmo, pois os Gardacostas realizan comisos todas as semán, e pese a isto, tamén neste caso se negaron”.
O deputado popular insiste en que a Deputación “está a tempo de rectificar e evitar unha grande inxustiza, e un atropelo ao sentido común e a máis mínima sensibilidade para coas persoas que o están a pasar tan mal, máxime nos tempos que corren”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
