RIOTORTO (FNC) .- Riotorto acollerá o vindeiro domingo 1 de marzo unha nova edición do Mercado de inverno de produtos ecolóxicos e de temporada no que participarán arredor de trinta expositores, tanto de Riotorto como de outras zonas de Galicia, con produtos típicos destas datas do ano. O mercado permanecerá aberto de dez da maña a tres da tarde. O enclave será a Praza das Rodrigas, aínda que se podería trasladar ao pavillón do colexio en caso de que chovera nesa xornada.
Segundo o alcalde, Federico Gutiérrez “este mercado está enmarcado nun proxecto de catro mercados anuais, de periodicidade estacional, centrados nos produtos ecolóxicos e de temporada. Este mercado do inverno contará coa presenza de produtores ecolóxicos e convencionais que amosarán, exporán e venderán os seus produtos e proxectos propios do inverno. Entre os produtos que se porán á venda atopamos: verduras e hortalizas de temporada, repostería, carne, embutidos e queixos tanto ecolóxicos como convencionais”.
No mercado sortearase unha cesta de produtos ecolóxicos e artesanais entre os visitantes ao mercado organizado pola Asociación de Comerciantes e Empresarios de Riotorto. Nas inmediacións do recinto haberá tamén unha feira de produtos non alimenticios entre os que destacamos os Ferreiros de Riotorto así como unha carpa cunha pulpería para goce dos visitantes. E tamén haberá actividades divulgativas que informarán das “marxes abusivas” que se aplican aos productos alimenticios.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
