O alcalde de Cervo contrario ás criticas pola celebración do pleno comprometido coa FEGAMP

Alfonso Villares lamenta que Estúa non responda ás súas obrigas cos veciños de Cervo

-O rexedor considera un acto de desleixo que os nacionalistas non acudan ao pleno despois de coñecer as explicacións sobre a imposibilidade de pospoñer a sesión

Cervo, 29 de marzo de 2012-O alcalde de Cervo, Alfonso Villares, lamentou hoxe que o voceiro do grupo nacionalista, Xosé Antón Estúa, non teña respecto pola institución da Federación Galega de Municipios e Provincias e polo cargo que Villares ostenta como vicepresidente da mesma. “Como alcalde de Cervo mantiven unha reunión cos voceiros da oposición para trasladarlles a imposibilidade de pospoñer o pleno para o venres debido a un compromiso meu na Fegamp”, explica o rexedor, “pero a pesar das miñas explicacións, o señor Estúa insiste en criticar a celebración do pleno no día de hoxe”. Unha actitude coa que Estúa “demostra a súa falta de respecto pola Fegamp e polas obrigas que me corresponden como vicepresidente da institución” explica Villares.

Remitido