A SÉPTIMA EDICIÓN DO CONCURSO GASTRONÓMICO RIBADEO DE TAPEO CELEBRÁRASE DO 18 AO 27 DE MAIO. OS ESTABLECEMENTOS INTERESADOS EN PARTICIPAR NESTA CITA PODERÁN INSCRIBIRSE NO CONCELLO ATA O VINDEIRO 16 DE ABRIL, SEGUNDO ANUNCIABA ESTA MAÑÁ ANA MARTÍNEZ.
Ribadeo, 2 de abril de 2012. A séptima edición do concurso gastronómico Ribadeo de tapeo terá lugar do 18 ao 27 de maio, segundo daba a coñecer esta mañá a concelleira de Turismo e Desenvolvemento Local, Ana Martínez. Os establecementos interesados en participar nesta cita poderán inscribirse ata o vindeiro 16 de abril no Concello. Cada local poderá presentar unha tapa a concurso, que se venderá ao prezo de 1,30 euros. Varios hoteis contarán con ofertas especiais para asistir ao Ribadeo de tapeo.
O concurso está organizado dende o Concello de Ribadeo pola Delegación de Turismo e Desenvolvemento Local e conta co apoio económico da Deputación Provincial de Lugo. A edil nacionalista explicou que “este ano o concurso de tapas celébrase do 18 ao 27 de maio, ambos incluidos, tentando aproveitar a ponte das Letras Galegas e collendo dúas fins de semana”.
Ana Martínez convidou “a todos os bares e mesóns de Ribadeo e das parroquias a inscribirse. O prazo está aberto ata o vindeiro 16 de abril ás 14 horas na oficina da Área de Desenvolvemento Local do Concello ou a través da páxina web www.ribadeo.org”. A concelleira de Turismo dixo que “cada establecemento poderá presentar unha tapa a concurso, buscando sempre a calidade e a orixinalidade que distingue este certame. Este ano o prezo da tapa será de 1,30 euros e como cada ano enviaremos un fotógrafo a cada establecemento participante para poder obter unha imaxe da tapa a concurso e así incorporala ao libriño que se repartirá durante a ruta das tapas entre os asistentes”.
Martínez subliñou que “a cita persegue dinamizar o sector hostaleiro e da restauración, un dos máis potentes do noso concello, aproveitando sempre unha época baixa de público e sempre fora do verán, da semana santa ou do Nadal. O que queremos é traballar co sector buscando esa dinamización comercial da nosa vila, procurando facer de Ribadeo un lugar atractivo para os nosos visitantes. Eses visitantes que son tanto de proximidade, da comarca da Mariña ou do Occidente asturiano, pero abrindo tamén a porta a eses outros lugares que, grazas á mellora das vías de comunicación, se achegan cada día máis a nós. Queremos convidar tamén a participar á xente do Oriente asturiano, de Cantabria, País Vasco, Castela-León, a que se acheguen a disfrutar da nosa gastronomía en miniatura”.
A concelleira de Turismo anunciou que “este ano para promover este achegamento e como novidade, froito dun traballo en rede coas mesas microsectoriais de hostalería, algúns hoteis decidiron colaborar co Ribadeo de tapeo con agasallos gastronómicos de benvida aos seus clientes e prezos especiais durante o concurso no paquete chamado Soños gastronómicos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
