O GM DO PP DENUNCIA A FALLA DE SEGURIDADE NO ENTORNO DA PISCINA MUNICIPAL E RÚAS PRÓXIMAS
Dende o Grupo Municipal do PP queremos denunciar a inseguridade xerada para os veciños desta zona, na que ven sendo habitual a comisión de actos vandálicos que se quedan impunes. Ás xa reiteradas denuncias polos roubos sucedidos en vivendas particulares da zona, vénse a engadir a continua comisión de actos vandálicos diversos que causan graves desperfectos tanto nos bens públicos como nos privados alterando a calidade de vida dos veciños.
Así, ás pintadas nas fachadas de edificios públicos e privados, hai que engadir a queima dos buzóns das vivendas, os destrozos e desperfectos cometidos no centro social dunha coñecida asociación da Vila, o volcado dos contedores do lixo, a celebración xa sexa na prazoleta de San Lázaro, ou no parque Pintor Fierros ou diante da Piscina municipal, de botellóns, nos que os xoves sen vixianza algunha permanecen ata altas horas da noite co volume do sonido dos equipos de música dos coches excesivamente elevado alterando deste xeito o descanso dos veciños que se ven dificultados para conciliar o sono, … son algunhas das actuacións que un grupo de incontrolados acostuman a levar cabo na zona e que, baixo o paraugas de que durante a noite nesa zona non hai ningún servizo de vixianza por parte das forzas e corpos de seguridade, campan ás súas anchas facendo das rúas e prazas o seu territorio.
Ante esta situación, novamente dende o PP temos que pedirlle ao Alcalde que asuma a súa responsabilidade como máximo responsable da Policía Local, e que leve a cabo (mellor sería se tivera en conta o parecer ao respecto dos Grupos da Oposición) a reestruturación das funcións e servizos da Policía local, e que se deixe de xogar con este tema, sendo de todo irresponsable a súa conduta anunciando nos medios de comunicación, xusto o día anterior á celebración coa presenza do Subdelegado do Goberno da reunión da Xunta Local de Seguridade, a reestruturación deste servizo, e días despois dar volta atrás, dar carpetazo ao asunto e deixar o tema novamente dentro do caixón. ¿Acaso os veciños de Ribadeo temos que esperar a que desgraciadamente ocorra algún acto que chegue a pór en perigo a seguridade das persoas para que dende o Concello se tome conciencia deste problema e se adopten as medidas de actuación necesarias para darlle solución?. Dende o GM do PP entendemos que non, pois a actuación do Concello só en último caso debera ter por obxecto a reparación do dano causado, debendo estar o seu cometido e a súa actuación dirixida a previr o mal, anticipándose a posibles actuacións causadoras dun potencial dano, xa sexa aos bens públicos ou aos privados.
Fai días que o Alcalde laiábase no senso de que o Concello carecía de medios suficientes para pór un policía local en cada rúa, pero do que tamén carece o Alcalde, polo que se está a ver, é da iniciativa e da capacidade necesaria para pór en práctica medidas e actuacións que contribúan na medida do posible a mitigar esta problemática. Pois ben, dende o GM do PP suxerímoslle que poña en marcha un incremento dos servizos da policía local, que os dote de mellores medios materiais, que garanta unha vixianza continua dos barrios apartados do centro, que amplíe a prestación dos servizos ás horas da noite, que busque e xestione unha mellor e maior colaboración coa Garda Civil,… como algunhas das actuacións que ben dirixidas dende o Concello e coordinadas coas outras forzas e corpos de seguridade contribuirían a devolverlle aos veciños a confianza e seguridade de que se ven privados día a día.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
