OS INTERESADOS EN CONSULTAR O PXOM DE RIBADEO PODEN PEDIR CITA NO CONCELLO DESDE MAÑÁ, 4 DE ABRIL, SEGUNDO VEN DE ANUNCIAR FERNANDO SUÁREZ. O DOCUMENTO XA SE PODE VER TAMÉN NA WEB MUNICIPAL.
Ribadeo, 3 de abril de 2012. Os interesados en consultar o PXOM de Ribadeo xa poden pedir cita telefónica ou presencial desde mañá, 4 de abril, no Concello, segundo ven de anunciar o alcalde, Fernando Suárez Barcia. O documento xa se pode ver tamén na web www.ribadeo.org
O rexedor sinalou que “despois de que este último pleno aprobara a exposición pública do PXOM e tendo enviada toda a documentación ao Boletín Oficial da Provincial e ao Diario Oficial de Galicia a partires de mañá, para contestar ás consultas aos veciños e aos propietarios que queiran ver polo miúdo cómo está redactado o documento, desde o Concello daremos cita a todas aquelas persoas que de maneira presencial ou telefónica o requiran. Esas citas iránse atendendo a partires da vindeira semana”.
Suárez Barcia lembrou que “o período de exposición pública será de dous meses a partires da última publicación nos boletíns oficiais, cousa que contamos se produza a vindeira semana. E para lograr unha mellor eficiencia, para evitar tempos de espera ás persoas e tamén para atendelos de maneira personalizada queremos facer ao igual que hai catro anos, pero mellorando algunha cuestión, a exposición pública na vella oficina de turismo”. O rexedor ribadense engadiu que “alí os técnicos municipais, singularmente o arquitecto estará todos os días durante dous meses en horario de 10 a 13 horas, para atender as consultas veciñais que previamente pedisen cita co fin de evitar que a xente se amontoe e para que cada un poida consultar ou ver con tranquilidade o seu caso particular. Ademáis toda a cidadanía pode consultar o documento íntegro do PXOM na páxina web www.ribadeo.org”.
O alcalde de Ribadeo indicou que “despois tamén teremos visitas da empresa redactora do plan, Eptisa. E tamén temos por determinar unha data de explicación pública no auditorio municipal, que será en poucos días”. Fernando Suárez animou aos veciños e veciñas “a que non perdan a oportunidade de coñecer a resposta municipal ás alegacións formuladas no seu día vendo o plan xeral e a exercitar, si o estiman procedente, cantas suxerencias ou alegacións poidan presentar en caso de que non estean conformes e no caso de que crean que a lei ampara as súas peticións”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
