O EO FESTIVAL DISPORÁ DE SERVIZO GRATUÍTO DE BUSES ENTRE TAPIA, RIBADEO E CASTROPOL.
Castropol, 4 de abril de 2012. O Eo Festival disporá de servizo gratuíto de buses entre Tapia, Ribadeo e Castropol para desprazar aos asistentes ao primeiro festival de música electrónica a beiras do Eo. A cita dará comezo o venres, 6 de abril, ás 18 horas.
O Eo Festival reunirá a 18 artistas que farán as delicias dos seus fans e seguidores durante 16 horas. Segundo a organización “trátase dos mellores do panorama nacional e internacional”.
O primeiro festival de música electrónica a beiras do Eo comezará o 6 de abril ás seis da tarde e concluirá o 7 de abril ás nove da mañá. Desenvolverase en dúas zonas, e os asistentes contarán con amplos aparcadoiros, baños, bocaterías e pizzerías. Ademais poderán descansar nos cámpings do Occidente astur e da Mariña lucense. A empresa organizadora Muíño Producións sinala que “haberá servizo de buses para conectar Tapia, Vegadeo e Ribadeo con Serrasa en Castropol?. A liña de Ribadeo contará coas seguintes paradas: Pica (Ribadeo), Casa do Mar (Figueras), Eo Festival, Concello (Vegadeo) e Pica (Ribadeo). A liña de Tapia fará o seguinte percorrido: estación de servizo (Tapia), hotel Chiquín, cámping Varres, Eo Festival, estación de servizo (Tapia). As dúas liñas de autobús son gratuítas. Os percorridos serán circulares desde as seis da tarde do venres ata o final do festival. A organización recomenda ?deixar os coches nas localidades de Ribadeo, Tapia, Vegadeo ou Figueras, xa que contan con amplas zonas de aparcadoiro, e que os asistentes desprácense nos buses ata o recinto do Eo Festival. É moito máis cómodo para todos”.
A música electrónica invadirá Castropol o 6 de abril. No festival participarán: Paco Osuna, Alexander Kowalski, Gaiser, David Ferreiro, David Mallada, Héctor Llamazares, Richi Risco, Fernando Mesa, Óscar Mosqueira, Lelé and Kico Vila, Igor, Dr.Think, Marcial Bescos, Roberto Reko, Kanike, David SM e Joshua Porta.
O prezo das entradas para asistir ao Eo Festival en venda anticipada é de 20 euros. Están dispoñibles en Musikaze e Pica. En despacho de billetes o prezo das mesmas será de 25 euros.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
