A Deputación aproba o 1º acordo marco para dotar ós Concellos de equipamento enerxético e reducir a súas facturas
– A institución pactará coas empresas a compra e instalación de lámpadas, válvulas termostáticas ou programas de rego con fondos europeos, aforrando 1,1 millóns de euros ós municipios
– Os beneficiados serán as 46 entidades locais que aceptaron que a Axencia Provincial da Enerxía realice auditorias nas instalacións municipais que desexen, aforrándolles outros 10.000 euros
– O BOP publicará mañá as bases deste concurso e do Plan Integral Agropecuario Forestal para que as entidades interesadas nestes proxectos de Lug02 coñezan os requisitos e presenten ofertas
– A Xunta de Goberno adxudicou obras de mellora na CP-1804 en Chantada con 74.000 euros
O voceiro provincial socialista, Manuel Martínez, avanzou hoxe que a Xunta de Goberno vén de aprobar o 1º acordo marco da Deputación para aforrar cartos ós Concellos, dotándoos dun equipamento enerxético que lle permita reducir os seus gastos de luz, agua e gas. Martínez explicou que dito acordo conleva que a institución pactará cun máximo de 6 empresas e cun mínimo de 3 a adquisición e instalación en dependencias municipais de materiales como lámpadas LED, válvulas termostáticas, programas de rego ou detectores de presenza. “Só os gastos de luz nun Concello de 5.000 habitantes ascenden ós 200.000 euros ó ano. Co equipamento axeitado, podemos reducir a factura nun 25%”, destacou.
O organismo provincial asumirá todos os custes destas actuacións con fondos europeos, aforrando 1.100.000 euros ós municipios. Este presuposto procede de Lug02, o programa medioambiental, cofinanciado nun 70% pola Unión Europea.
Os municipios beneficiados son os 46 que conforman o Club dos Concellos Renovables. É dicir, aqueles que aceptaron a proposta da Deputación para que a Axencia Provincial de Enerxía lles realice auditorías enerxéticas nas instalacións que elixan -Casas Consistoriais, pavillóns deportivos, casas de cultura….- co fin de detectar posibles problemas de eficiencia enerxética e plantexar fórmulas para aforrar custes. Estes traballos tamén son financiados ó 100% pola institución provincial, aforrando ós Concellos os 10.000 euros que supoñen segundo os prezos do mercado.
As entidades locais nas que, nos vindeiros meses, se realizarán as auditorías e, posteriormente, froito destas avaliacións, se dotarán de novo material enerxético son: Abadín, Baleira, Baralla, Barreiros, Becerreá, Bóveda, Burela, Castroverde, Cervantes, Cervo, O Corgo, Fonsagrada, Friol, Guitiriz, Guntín, O Incio, Láncara, Lugo, Meira, Mondoñedo, Monforte, Monterroso, Navia de Suarna, Negueira de Muñiz, Palas de Rei, Paradela, A Pastoriza, Pedrafita do Cebreiro, A Pontenova, A Pobra do Brollón, Pol, Portomarín, Quiroga, Rábade, Ribadeo, Ribas de Sil, Riotorto, Samos, Sarria, O Saviñao, Sober, Trabada, Triacastela, O Valadouro, O Vicedo, Viveiro e Xove.
Mañá, o Boletín Oficial da Provincial publicará as bases destes concurso para, transcorridos os prazos legais, todas as empresas interesadas presenten as súas ofertas.
Este é o primeiro acordo marco da Deputación como “fórmula de continuar na racionalización e optimización do gasto público en subministracións, servizos ou obras”, tal e como se comprometeu a realizar o Presidente, José Ramón Gómez Besteiro, durante este mandato. O obxectivo, afirmou, é xerar unha central de compras na Deputación con novos acordos marco.
Plan Integral Agropecuario Forestal
Precisamente, cumprindo as previsións anunciadas onte por Besteiro, a sesión aprobou hoxe os pregos de 1 millón de euros, tamén procedentes dos fondos europeos de Lug02, que integran o Plan Integral Agropecuario Forestal. Ó igual que no caso anterior, mañá o BOP publicará as bases deste concurso para que as empresas interesadas coñezan os requisitos e presenten as súas ofertas. Como mínimo, deberán garantir formación eminentemente práctica e gratuita sobre agricultura e gandeiría ecolóxica, así como aproveitamento forestal sostible, para unhas 900 persoas. Ademais, posteriormente, terán que prestar asesoramento ós participantes destas accións formativas para a creación de, a lo menos, 15 novas empresas agropecuarias-forestais na provincia. A previsión da Deputación é adxudicar este proxecto en xuño para iniciar, de xeito inmediato, a primeira fase que é a de captación e sensibilización cidadá.
Obras en Chantada
A Xunta de Goberno tamén acordou a adxudicación das obras de mellora da estrada CP-1804, de Touza por Belesar a LU-533, no Concello de Chantada, por valor de 74.000 euros. Estes traballos consisten no ensanche e afirmado de 3 puntos deste vial nos que se localizan curvas moi pronunciadas e perisosas. Concretamente, sitúanse nos quilómetros 2,370, 4,900 e 5,670. As actuacións, que se poderán iniciar en maio, teñen un prazo de execución de 1 mes.
Remitido
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
