Os votos do Partido Popular, con maioría absoluta na Cámara galega, foron necesarios, decisivos e imprecindibles para que a moción saíra adiante
BALSEIRO LEMBRA AO PSOE DE CERVO QUE O ACORDO PARLAMENTARIO SOBRE ALCOA APROBADO O MARTES INCORPORA NA SÚA INTEGRIDADE A EMENDA DO PP
Os socialistas deberan deixarse de partidismo inútiles e sumarse á reivindicación para acadar tarifas máis competitivas para Alcoa, por exemplo votando a favor da moción municipal que rexistará o PP no pleno.
O PSOE de Cervo está molesto porque o PP pon de relevo a súa falta de iniciativa e demostra que os socialistas sempre van a romolque en todos os asuntos de importancia para Cervo e a comarca.
Cervo, 13 de abril de 2012.- O deputado do Partido Popular, Jose Manuel Balseiro lembrou ao PSOE de Cervo que o acordo acadado o pasado martes no Pleno do Parlamento de Galicia sobre a revisión á baixa da factura eléctrica que paga Alcoa incorpora na súa integridade a emenda que rexistaron os populares galegos e da que o propio deputado popular foi autor.
Balseiro lembra que foron precisamente os votos do Partido Popular de Galicia -con maioría absoluta na Cámara galega- os decisivos para a aprobación da moción e que o texto final resultou do consenso das tres forzas políticas.
Segundo Balseiro no PSOE local deberían deixarse de partidismos absurdos e inútiles e sumarse á reivindicación para acadar tarifas máis competitivas para Alcoa e sinalou que terán oportunidade de facelo aprobando a moción do PP que se debaterá en vindeiros plenos municipais.
O deputado popualr considera que no PSOE de Cervo están molestos porque o PP pón de relevo a falta de iniciativa dos socialistas e que nesta formación política da oposición sempre van a remolque en todos os asuntos que interesan á Cervo e ao conxunto da comarca.
Remitido
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
