O BNG DE RIBADEO APOIA A MANIFESTACIÓN A FAVOR DUNHA RESIDENCIA DA TERCEIRA IDADE
Desde o Bloque Nacionalista Galego de Ribadeo queremos facer público o noso apoio á manifestación convocada pola Plataforma pro Residencia de Maiores -que aglutina ao tecido asociativo veciñal do noso Concello- para o sábado 22 de abril, ás 12 horas, na Praciña de San Roque.
No BNG entendemos que a construción dun centro residencial para a terceira idade en Ribadeo é unha necesidade obxectiva e prioritaria para o noso Concello, e na que todos e todas deberamos estar de acordo en base aos datos dos que dispoñemos, á situación social que vivimos e á propia sensibilidade que podemos percibir a este respecto no noso entorno.
Como sabemos, os cambios sociais vividos nas últimas décadas –especialmente na estrutura familiar e laboral- modificaron en moi alta medida as formas de relación e vida das persoas maiores de 65 anos cos seus entornos afectivos e sociais. Hoxe son moitas as persoas maiores que viven soas nas súas casas, sen poderen contar con familiares próximos que as atendan da mellor maneira e de forma constante. En moitos casos, ademais, a existencia e a longa duración de diferentes enfermidades fai que a propia autonomía persoal se vexa gravemente resentida.
Vexamos os datos: no Concello de Ribadeo a porcentaxe de persoas maiores de 65 anos chega ao 23,8 % da poboación. Destes 2439 ribadenses con máis de 65 anos, 981 homes e 1458 mulleres, un total de 545 viven sós. Pola contra, canto aos recursos, Ribadeo dispón unicamente dun total de 70 prazas residenciais, o que supón 2.87 prazas por cada 100 ribadenses maiores de 65 anos, mentres que as recomendacións da OMS se sitúan no ratio de 5%.
Cremos pois, como non podía ser doutra maneira, que as políticas públicas deben esforzarse por dar solucións dignas, xustas e de calidade ás persoas anciás. Unha delas é contar coa posibilidade de acceso a centros residenciais públicos, nos que as súas capacidades de relación social, mantemento e coidado da saúde e atención global adecuada se vexan plenamente garantidas.
Neste sentido, entendemos exemplar o labor de sensibilización que a Plataforma veciñal pro Residencia de Maiores veu facendo entre moi diferentes colectivos e sectores de Ribadeo, e apoiamos tamén -e facemos nosos- os acordos tomados e as xestións desenvolvidas pola Comisión pro Residencia da Terceira Idade, da que forman parte todos os grupos políticos con representación municipal.
Un tema coma este, prioritario para Ribadeo, debe estar por riba das lexítimas diferenzas partidarias: o interese xeral e o ben común deben prevalecer sobre calquera outro tipo de cuestión, e polo tanto é desexable que todas e todos nos esforcemos en manter a unidade de acción en base ao que todos queremos: a Residencia de Maiores. Xa que logo, para o BNG de Ribadeo o seu marco de acción e de opinión pública vai estar sempre vinculado aos acordos compartidos que se tomen desde a Plataforma e a Comisión pro Residencia de Maiores.
Finalmente, e para rematar, desexamos que tanto a Xunta de Galicia -institución determinante para a consecución da Residencia- como o resto de administracións implicadas estean á altura do que se lles solicita e desenvolvan, en consecuencia, unha actitude de diálogo, apoio, colaboración e compromiso mutuo en beneficio do obxectivo desexado polos veciños e veciñas de Ribadeo.
Remitido
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
