BURELA RECIBE MAÑÁ A VISITA DO DIRECTOR GENERAL DE MARINA MERCANTE E DO DIRECTOR DE SALVAMENTO MARÍTIMO.
Burela, 18 de abril de 2012. Burela recibirá mañá a visita do director general de Marina Mercante, Rafael Rodríguez Valero, e do director de Salvamento Marítimo, Juan Luis Pedrosa Roldán. Ás 12 da mañá está prevista a súa chegada ao Concello de Burela e a continuación achegaránse á sede actual da Capitanía Marítima. Despois visitarán as obras da futura sede deste organismo, será ás 12:30 e ás 13 horas voltarán ao Concello. Alí terá lugar unha intervención pública na que participarán o alcalde de Burela, o arquitecto director de obra e tamén o director general de Marina Mercante.
O alcalde de Burela, José Mª González Barcia, sinalou que “o motivo da súa visita é coñecer de primeira man cal é o estado das obras do novo edificio de Capitanía Marítima”. E engadiu que “veñen trasladar o interés que o Ministerio de Fomento ten por estas novas instalacións. Agardo que sirva para confirmar o que todos queremos que sexa unha realidade, que a obra remate e entre en fucionamento ao longo deste ano e que preste o mellor servizo posible a todas as persoas vinculadas co sector náutico-pesqueiro en canto a inspeccións, seguridade, etc”.
Confirmaron a súa presencia mañá en Burela o subdelegado do Goberno en Lugo, Ramón Pérez Carballo, e o portavoz do PP no Senado e presidente provincial dos populares, José Manuel Barreiros, entre outros.
Educación
González Barcia acompañou esta mañá á delegada territorial da Xunta, Raquel Arias, na visita cursada ao CEIP Virxe do Carme. O rexedor explicou que “comprobaron as obras feitas pola Xunta de Galicia recentemente, como son a colocación dun novo peche perimetral en parte da pista, a colocación dunha nova caldeira de calefacción e tamén a construcción dun porche na porta de acceso ás instalacións onde se ubica a biblioteca do centro”.
O alcalde de Burela e o seu equipo entenden que “nos momentos actuais temos que aportar todos a nosa parte no que á educación se refire. Nese sentido xa anuncio que o vindeiro luns, 23 de abril, teremos unha xuntanza cos directores e cos representantes das APAS dos dous CEIP de Burela, Virxe do Carme e Vista Alegre, para falar da participación que o Concello ten en materia educativa neses centros”. Ese encontro está previsto para as 17:30 horas.
Barcia dixo que “a situación é a que é, nós queremos manter a presencia nos dous centros, pero o que sí é certo é que probablemente non imos poder manter toda esa presencia nos comedores e nas actividades extraescolares porque a situación é a que é. Penso que nesa xuntaza poderemos clarificar a situación actual e a partires de aí poderemos abordar solucións para non perxudicar os intereses das familias e dos nenos, que é o interés que nos debe mover”.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
