O PP local proporá en pleno unha discriminación positiva para Mondoñedo dentro do proxecto Lugo02 promovido pola Deputación de Lugo
En complementariedade coa proposta de traballo asentada no fomento de emprego en Mondoñedo no desenvolvemento sostible da xestión forestal, o PP busca o consenso do pleno local para propoñerlle á Deputación que considere Mondoñedo o centro neurálxico do Lugo02, dentro da área de aproveitamento forestal
O obxectivo do PP local e lograr o apoio e colaboración das administracións, dentro das súas competencias, no desenvolvemento de proxectos que permitan dinamizar a localidade
Mondoñedo, 18 de abril de 2012- O Grupo Municipal do Partido Popular rexistrará unha iniciativa para o debate do próximo pleno local na que solicita trasladarlle á Deputación provincial de Lugo a proposta de que se considere Mondoñedo como centro neurálxico de actuación dentro do proxecto Lugo02, promovido polo ente lucense para o desenvolvemento da provincia de Lugo, tendo como obxectivos, entre outros, a posta en valor dos recursos naturais dispoñibles, entre eles o forestal.
O Grupo Popular traslada esta proposta ao pleno local dado que a Deputación provincial de Lugo vén de aprobar na xunta de goberno do pasado 13 de abril tres expedientes de contratación dentro do Lugo02, un deles destinado a potenciación da agricultura ecolóxica, da gandería ecolóxica e do aproveitamento forestal.
Na proposta da Deputación consideran a zona norte como de elevada concentración de explotacións forestais. Isto engadido a que na segunda reunión da Mesa de Seguimento para o fomento de emprego aprobouse como unha das liñas de actuación a seguir o análise teórico do desenvolvemento sostible da xestión forestal, o PP local pide a colaboración do pleno local para o traslado da proposta á administración provincial e se considere así a Mondoñedo como centro neurálxico do proxecto Lugo02”, cofinanciado nun 70% por fondos FEDER.
Segundo explican dende o Grupo Popular, a colaboración entre administracións é clave para poder desenvolver proxectos, máxime nun momento tan complexo. Así, o Grupo Popular solicítalle ao pleno local, trasladarlle á Deputación provincial a necesidade de aprobación dun acordo para a articulación dun protocolo de actuación que permita un aproveitamento das actividades a desenvolver, con discriminación positiva para Mondoñedo, ao reflexar esta localidade indicios de despoboamento, de paro, de envellecemento da poboación e de inexistencia do tecido empresarial e da actividade comercial.
E por último, o Grupo Popular local tamén pide que se dea traslado do acordo á delegación de Medio Ambiente e Enerxías renovables, así como a Presidencia solicitándolles o apoio e implicación.
Remitido
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
