O BNG DE FOZ REXEITA A FUMIGACIÓN DOS MONTES QUE QUERE LEVAR A CABO A XUNTA DE GALIZA CON AXENTES QUÍMICOS PROHIBIDOS POLA UNION EUROPEA
“O BNG aposta por métodos biolóxicos antes que os químicos” declara Basanta
Foz, a 20 de abril de 2012.- O BNG presentará unha moción en pleno opoñéndose á intención da Xunta e da industria papeleira de fumigar as plantacións de eucalipto galegas e de Foz en particular cun pesticida químico (flufenoxuron) para combater a praga do gorgullo.
A Xunta ven de dar luz verde e promover este tipo de fumigacións cando o flufenoxuron é un produto que lle queda pouco para seguir no mercado porque segundo a Unión Europea ten efectos nocivos sobre a saúde e sobre o medio ambiente. A propia Unión Europea ordena que estes produtos con ese compoñente deixe de comercializarse a partir do 1 de agosto de 2012. Na decisión da Comisión Europea sobre o flufenoxuron di claramente que “as características do flufenoxuron fano moi persistente e moi bioacumulable e tóxico” e “demostrou efectos inadmisibles para el compartimento acuático”. O propio prospecto do producto deixa claro que é “moi tóxico para os organismos acuáticos e pode provocar a longo prazo efectos negativos no medio ambiente acuático”.
Segundo a opinión de Xan Carlos González Basanta, o portavoz municipal do BNG, outro dos graves problemas é que a fumigación do insecticida faríase en grandes cantidades -para ser efectiva- e seguramente por métodos aéreos cando existen estudios especializados que afirman que ata o 60% dos agrotóxicos dispersados por medios aéreos (avioneta ou helicóptero) adoitan caer e a expandirse varios quilómetros de distancia fóra do seu obxectivo. Nunha zona con moitos cursos de auga e con variedade de especies isto suporía un grave atentado ecolóxico. A maiores non existen insecticidas específicos para combater o gorgullo do eucalipto polo que empregando un xenérico como o flufenoxuron afectaríalle á práctica totalidade de insectos e principalmente ás abellas, que teñen unha función polinizadora esencial para os ecosistemas.
Diferentes organización e asociacións medioambientais – ADEGA, SLG, SOCIEDADE GALEGA DE HISTORIA NATURAL,… – xa se teñen manifestado contra a utilización deste produto por ser unha sustancia non empregada masivamente con anterioridade, comparativamente cara e, sobre todo, polos efectos nocivos contra as persoas e o medioambiente.
Desde o punto de vista do BNG, non existen motivos nin económicos nin medioambientais para realizar esta campaña de fumigación cunha substancia química prohibida en Europa e que ademais contraponse de cheo coa loita con métodos biolóxicos pola que se estaba a apostar. Esta decisión ten toda a pinta de esconder intereses moi concretos da industria química e das celulosas. Chama a atención tamén que as fumigacións sexan gratuítas para os propietarios dos montes e nese sentido o BNG xa fixo no Parlamento Galego unha pregunta.
O BNG aposta por continuar con medios biolóxicos para combater as pragas nas plantacións porque son máis efectivos, máis selectivos e teñen efectos menos perniciosos sobre o as persoas e o medio ambiente.
Remitido
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
