SPRINT FINAL CON VISTA ALEGRE COMO ESCENARIO
O Burela Pescados Rubén recibe en Vista Alegre, sábado 21 ás 17.30 horas, ao Sala 5 Martorell FS, quinto clasificado da Segunda División. A catro xornadas para a conclusión da liga regular, o conxunto dirixido por Julio Delgado afronta a recta final co firme propósito de clasificarse para o play off de ascenso. Nestas catro xornadas os burelenses disputan tres partidos en Vista Alegre e un como visitante, ante o Maristas Valencia. O primeiro reto será vencer ao conxunto catalán, quinto clasificado, con 39 puntos, cinco máis que os laranxas que cunha vitoria comprimirían aínda máis os postos de acceso ao play off. O conxunto catalán caracterízase polo seu potencial ofensivo, sendo o segundo máximo realizador da Liga con 117 goles, unicamente superado polo Oxipharma Granada. O seu maior perigo ofensivo protagonízano Diego Blanco, actual pichichi con 31 goles, e Marc Areny que suma 21 tantos. Na última xornada, lograron a igualada ante o FC Barcelona (5-5) no último minuto tras ir perdendo por 2-5. Pola súa banda, o Burela chega a este duelo tras empatar en Eivissa onde mereceu mellor fortuna e con intención de facer valer o factor cancha para conquistar os tres puntos en xogo. Para este partido, o técnico burelense non poderá contar coa participación de Bebeto, que continúa coa súa recuperación, e tampouco con Purao lesionado en terras ibicencas no ligamento lateral interno do seu xeonllo dereito. Para este partido Julio Delgado convocou aos xuvenís Antón e Keko.
Burela Pescados Rubén – FC Barcelona. A vixésimo oitava xornada de Liga que enfrontará ao cadro burelense co FC Barcelona adiántase ao mércores día 25 de abril. O choque comezará no Vista Alegre ás 21.00 horas.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
