O VINDEIRO SÁBADO, 28 DE ABRIL, ARRINCA A SEGUNDA PARTE DO CICLO MÚSICAS POSIBEIS. SERÁ COA ACTUACIÓN DA CANTANTE ANGOLANA ALINE FRAZAO. RIBADENSES E VISITANTES PODERÁN DISFRUTAR DE SEIS CONCERTOS ATA O MES DE NOVEMBRO.
Ribadeo, 23 de abril de 2012. A segunda parte do ciclo Músicas Posibeis, que organiza o Concello de Ribadeo, arrinca o vindeiro sábado, 28 de abril, coa actuación da cantante angolana Aline Frazao. Seis son os concertos dos que poderán disfrutar ribadenses e visitantes ata o mes de novembro. Esta programación musical foi presentada esta mañá na Casa da Xuventude polos concelleiros de Cultura e Mocidade, Mariluz Álvarez Lastra e Xavier Campos.
Campos lembrou que “esta programación musical xa leva anos facéndose e está xa asentada en Ribadeo. Nos primeiros meses de 2012 centróuse en propostas de moita calidade e moi interesantes no ámbito do jazz, que desenvolvemos grazas a un convenio de colaboración con Rafael Monteavaro e nesta segunda metade do ano a programación mantén a atención ao jazz, pero céntrase tamén un pouco máis nas músicas de autor e na música tradicional e folk. E facémolo desde unha perspectiva de vínculo entre a música e os músicos galegos con músicas e músicos internacionais”.
O edil nacionalista anunciou que “a primeira proposta terá lugar este sábado, 28 de abril, no Cine Teatro cunha cantante angolana Aline Frazao, que ven de sacar o seu primeiro disco Clave Bantu no que mistura as músicas de autor coas músicas tradicionais de Angola. É unha muller que leva anos traballando en Portugal e agora en Galicia, vive en Santiago de Compostela, e presenta o seu primeiro disco en Ribadeo”.
O 19 de maio actuará en Ribadeo o grupo Primordiais, formado por músicos de conservatorio que se moven entre a música tradicional e o jazz. “O 16 de xuño teremos un dos pratos fortes da programación que é Ugía Pedreira, xa por todos coñecida como vocalista de Marful, Nordestinas, Chouteira… unha das músicas máis recoñecidas do panorama galego, que presenta o seu disco Acróbata, que grabou xunto a Fred Martíns, un músico brasileiro de longa traxectoria no seu país natal. Acróbata foi editado o ano pasado e recibiu moi boas críticas tanto a nivel galego como de estado. Non tiveran a ocasión de presentalo en Ribadeo e aquí estarán o vindeiro mes de xuño”, seguiu a relatar o concelleiro de Mocidade.
Xavier Campos indicou que “despois teremos un parón durante o verán porque é unha época na que se desenvolven moitas actividades culturais en Ribadeo ao aire libre e a finais de setembro retómase o ciclo Músicas Posibeis. O 29 de setembro temos unha proposta de jazz de altísima calidade, trátase de Alejandro Vargas Trío, un trío de jazz cubano con músicos de moita traxectoria nese país e que agora teñen vínculos profesionais e persoais con Galicia e queremos aproveitar para poder disfrutalos en Ribadeo. O 13 de outubro teremos unha proposta que mistura músicos cubanos con músicos galegos vinculados á Central Folque que se chama Jazzología e rematamos o 17 de novembro co dúo Fernández e Quintá, que nos ofrecerán os temas dous seus últimos discos de música folk e tradicional”.
O concelleiro de Mocidade subliñou que “con estes seis concertos pecharemos o ciclo Músicas Posibeis en 2012. É un ciclo que se caracteriza por apostar pola calidade e por propostas diferentes. Pensamos que co diñeiro público e desde este ámbito debemos apostar por difundir propostas de moita calidade e que non contan con resortes mediáticos para aparecer en radiofórmulas ou noutro tipo de soportes que os comuniquen co público. E un pouco o papel dun Concello coma o noso é darlle visibilidade a propostas de alta calidade que o merecen e que podemos disfrutar como amantes da música”. Campos e Álvarez Lastra consideran que “esta programación mantén a Ribadeo como o referente comarcal do que é unha proposta cultural e musical constante, de calidade e atractiva tanto para os que vivimos aquí como para os que nos veñen visitar”.
Vinilos
Por outra banda, a Casa da Xuventude levará adiante nas vindeiras semanas unha campaña de doazón/recollida de vinilos. As persoas que queiran donar algún vinilo a esta iniciativa poden facelo dirixíndose a esas instalacións. Hoxe o concelleiro de Mocidade, Xavier Campos, protagonizou a primeira doazón con tres vinilos de Os Resentidos.
Remitido
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
