Carta aberta aos alcaldes da mariña
Benqueridos alcaldes,
Ao parecer a asociación de produtores de papel e cartón ASPAPEL, co coñecemento da Consellería de Medio Rural e do Mar, está a ofrecer ás comunidades de montes e a propietarios particulares da nosa comarca fumigacións aéreas gratuítas co insecticida CASCADE, da casa BASF, a base de flufenoxuron.
As asociacións constituíntes da Plataforma Contra as Fumigacións na Mariña solicitamos a súa intevención para paralizar estas accións que coidamos moi perigosas, especialmente no noso pais, onde a dispersión da poboación fai que en case calquera lugar poida haber casas ou persoas.
Ao respecto das mesmas, consideramos:
1º A fumigación aérea (de xeito xeral, salvo casos excepcionais sen alternativa viable que requiren unha autorización especial e avisos á cidadanía) está prohibida pola Directiva 2009/128/CE, que tería que ter sido trasposta a finais do 2011, pola imposibilidade de garantir que os produtos fitosanitarios, a miúdo perigosos para a saúde e o medio, vaian onde se pretende que vaian.
Independentemente da súa non trasposición, as Directivas son de obrigado cumprimento polas administracíóns, polo que coidamos que a actuación colaboradora da Consellería de Medio Rural e do Mar ao respecto é profundamente incorrecta.
2º O flufenoxuron está retirado do mercado debido á súa baixa biodegradabilidade e a súa perigosidade para a vida acuática.
a) Mata os insectos, non só o gorgollo senón tamén as abellas, prexudicando gravemente ás explotacións de mel. Os paxaros que se alimentan de insectos poden morrer tamén por acadar elevadas doses do veleno no seu corpo. Mesmo outros predadores que coman os paxaros mortos poden tamén verse afectados, e estamos a falar de Concellos con zonas protexidas.
b) O que vaia aos regos e á ría suporá un grave risco tamén porque a maior incidencia do veleno se produce na vida acuática, matando aos invertebrados que alimentan aos peixes, tesouro dos nosos rios nos que a pesca é un valor senlleiro, e cuxas augas alimentan tamén humidais protexidos como os LICs de Ribadeo ou de Masma.
c) Ao matar as abellas provoca un grave prexuízo tamén á agricultura, que depende da polinización. A maiores, non se pode obviar o impacto sobre as explotacións ecolóxicas, que poden verse afectadas durante anos por atoparse nas análises do seu chan presencia dun fitosanitario non só non autorizado para a agricultura ecolóxica senón prohibido na UE.
d) O máis grave, a UE non desbotou efectos sobre a saúde das persoas, que poden verse afectadas tanto por respirar o insecticida como pola súa inxestión a través das captacións de auga, ou consumindo produtos das súas hortas. Asociacións de afectados polo síndrome de Sensibilidade Química Múltiple teñen denunciado aos autores destas prácticas por considerar que a a súa doenza débese á teren sido sulfatados desde o ar.
e) Finalmente é de destacar a incoherencia de fumigar masivamente montes nos que se está a aplicar a loita biolóxica coa liberación da Anaphes nitens, ao que agora tamén se vai matar co flufenoxuron.
En resumen, tanto a fumigación aérea como o uso do flufenoxuron están xa prohibidas na UE. Pero o máis grave de todo prodúcese ao xuntar as dúas: a fumigación aérea, dispersa e sen control, con un produto prohibido e perigoso, sen pensar na saúde das persoas.
Por iso os membros desta Plataforma solicitamos desde aquí aos seus Concellos que traballen para impedir esta práctica co obxecto de garantir a protección dá saúde dos veciños, a produtividade agrícola e gandeira, a pesca fluvial e os nosos humidais.
Solicitamos tamén desde aquí a todos os grupos políticos con representación nos Concellos da Mariña que apoien a convocatoria de Plenos Extraordinarios para tratar o asunto e asinen unha resolución para prohibir estas fumigacións e informar aos veciños do risco das mesmas para as persoas e o medio ambiente.
Plataforma Contra as Fumigacións da Mariña
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
