O Grupo Municipal do PSdG-PSOE fai un repaso das súas intervencións no Pleno celebrado este xoves no Concello de Foz.
Constitución da Mesa Local de Comercio. Neste punto o Portavoz Socialista, Pepe Rivera, manifestoulle o Alcalde que non debía de faltar a verdade dicindo na prensa que non se constituíra a Mesa do Comercio porque non quixera a oposición, botándolles enriba aos comerciantes. Rivera díxolle ao Sr Castiñeira, que non é certo que non quixese que se levase a cabo a constitución de dita mesa, máxime cando ese expediente xa fora iniciado cando os socialistas estaban no Goberno Municipal. Lembremos que foi un tema que quedou enriba da mesa no pasado Pleno porque na comisión informativa o Sr.Cancio dixo que podía ser o caso que mais asociacións puideran entrar na mesa de Comercio, optándose por facultar ao Alcalde para que fixera as averiguacions pertinentes e que informara no Pleno e cando se lle preguntou si fixera as xestións e dixo que non, acordouse deixar o asunto riba da mesa pendente de facer as xestións mencionadas anteriormente. No pleno celebrado este xoves volveu o punto a pleno, con todo feito e informado polo que o PSdG-PSOE votou favor. Rivera díxolle ao Alcalde que non lle parece correcta a súa forma de actuar culpando os demais dos seus olvidos. A mesa Local de Comercio quedou constituída por unanimidade da Corporación.
27/04/2012
O PSdG-PSOE votou a favor das mocións para a defensa da Sanidade Pública e da Educación Pública e a moción para o rexeitamento das fumigacións das plantacións de Eucalipto con Flufexonuron. Estas mocións aprobáronse co voto a favor do PSdG-PSOE, UNIFOZ e BNG, o Partido Popular votou en contra.
Aprobouse unanimemente unha moción de UNIFOZ para solicitar a Deputación unha máquina limpa-praias.Os socialistas manifestaron na explicación de voto, que si había suficientes máquinas de este tipo xa en funcionamento debería de mirarse a súa utilización de maneira conveniada a fin de non facer gastos innecesarios.
O PSdG-PSOE presentou unha moción para que non se amortizara ningunha praza no Xulgado de Paz de Foz, esta amortización xa foi plantexada pola Xunta de Galicia aos Sindicatos e suporá a perda de un empregado en dito Xulgado co conseguinte detrimento da atención o cidadán cando a persoal existente nestes intres no Xulgado é necesario para o correcto funcionamento do mesmo. A moción foi aprobada por unanimidade da Corporación.
O PSdG-PSOE, sen éxito, plantexou unha moción para que o Concello fixera unha rebaixa nas cotas da Piscina Municipal ás familias con membros en paro e con ingresos inferiores o salario mínimo interprofesional, dita moción foi rechazada como tal, polo PP e o Alcalde, aducindo que debía ser un rogo, polo que plantexamos o rogo esperando que se tome en conta.
Rogouse tamén por parte do Grupo Socialista a posta en marcha dos contedores soterrados en San Martiño preto da Basílica, que levan un ano pendentes do seu funcionamento.
O alumeado do Caritel que circunda a Basílica está deteriorado e hai luces avariadas, polo que rogamos que se reparen, comunicando a vez que os veciños da parroquia de San Martiño están preocupados por este tema.
Rogan os socialistas, que xa que eliminaron o servicio de recollida do lixo co sistema de cubos que había co anterior Goberno, poñendo de novo contedores estes deben de suxeitalos correctamente, pois cando hai vento andan a libre albedrío co conseguinte perigo para persoas e vehículos. Rivera mostrou un artigo de prensa onde se reflexa que instalaron o sistema de cubos en Monforte con unha moi boa acollida polos veciños da Cidade do Cabe, manifestándolle o Equipo de Goberno – xa ven- e vostedes van cara atrás.
No apartado de preguntas, Rivera explica que facer traballos con fondos públicos para fins privados ten un nome prevaricación, e o goberno deu a orde de segar un xardín na Rúa Álvaro Cunqueiro que é propiedade dunha comunidade de veciños posto que nunca se cedeu ao Concello e polo tanto corresponde a esta Comunidade limpar dito espacio. Vai vostede pedir a cesión de dito espacio para o Concello, preguntou Rivera ao Alcalde? Respondendo o Alcalde, – estábamos confundidos e por suposto vamos a pedir a cesión-. Esperemos.
Preguntouse cando pensan limpar a fonte do Souto en Mañente. A resposta,tomamos nota.
Na terceira pregunta Rivera interesase polo publicado nos últimos días na presa no tema do asilo dicíndolle ao Alcalde que -xa que vostede se cansou de dicir que o acordo co Asilo do anterior Alcalde era de que lle había que dar o Asilo 30.000 euros anuais.¿Porque non llos da vostede agora?. A resposta do Alcalde que o acordo interpretábase así.
Rivera recordoulle que – “Os únicos que axudaron ao Asilo economicamente foron o Goberno que a miña persoa presidía no Concello, achegándolles unha aportación de 30.000 euros e a Deputación Provincial, que recentemente lles fixo unha achega de 35.000 euros.Vostedes Sr.Alcalde 0 euros e a Xunta 0 euros tamén, e que despois desa actuación tan brillante que teñen aínda teñamos que escoitalos. Incrible”-
Remitido
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
