Tesoiras e peto das ánimas
Vaia inverno tardeiro o que nos toca vivir este ano! Non é o que prometera cando lle tocara. En marzo, de pantalóns curtos… e agora de catarreira. E non quere despexar. O único consolo, as reservas de auga que se van acumulando no subsolo e nos encoros, ademais dun verde xeneroso que inza de cor verde a paisaxe.
Estamos a asistir ao agónico escándalo da usurpación planificada do noso aforro co consentimento das nosas autoridades (a algunhas persoas roubáronllelo literalmente e polo que se ve sen ningún risco para os cacos de guante branco); estamos a ver como se desmantelan os servizos públicos, nomeadamente no ensino e na sanidade (aumento de ratios profesorado/alumnado, redución ou eliminación de ciclos, desmantelamento do Hospital Comarcal…); como se planifica unha xustiza de primeira (para quen poida pagar os recursos en segunda instancia) e outra de segunda división (quen non); asistimos, en fin, á prepotencia paifoca dun ministro de xustiza máis estirado e melindroso ca competente que, mesturando os allos cos bugallos, defende a supresión do xulgado de Mondoñedo porque, di el, quen son eses catro veciños para querer un xulgado? Ribadeo, non debe saber onde queda; do seu xulgado, nin falemos. E non o reivindiquemos, que igual nos acusan de quere desgastar ao goberno.
Tiña a esperanza de que escampara un pouquiño para poder gozar dun 1º de Maio soleado, ir á manifestación con bo ánimo e poder achegarme pola tarde ata a Illa Pancha. Mais outra masa de nubes desalentoume. Chovía a cachón mirando cara a Foz e non arrisquei. Outra treboada peor deixoume máis baldado aínda: o Ministerio de Fomento ten pensado comezar a cobrar peaxes “brandos” (eu que sei, algo así como catro ou cinco “cafelitos” á semana) a todos os vehículos lixeiros que circulen por boa parte da rede de autovías do Estado. Para evitar que os que non as usen paguen inxustamente o mantemento das mesmas a través dos seus impostos, mellor sería, coidan eles, que as paguemos os usuarios. E os que non van nunca ao médico van deixar de pagalo tamén?
A Mariña oriental e a comarca do Eo-Navia (o occidente asturiano en xeral) apenas están a punto de superar un illamento secular e xa as queren gravar cunha nova taxa? Do corredor Barreiros-Ferrol, mellor nin falamos, non si? Velaí o afán do noso goberno “amigo”: tesoiras para recortar… e peto das ánimas para recadar. E mentres, veña subvencións ao sector privado (colexios de élite, desvío para a sanidade privada, para a Igrexa…). Imaxínanse dar de novo todos os días a volta á ría, vía Porto, A Veiga e Castropol (ou en sentido inverso)? Sería unha boa escusa para relanzar o servizo de lanchas. Algunhas compañeiras de traballo viñan en bici ata As Figueiras, cruzaban e subían ata o Patín, ou despois o Politécnico. Ben: o do servizo de lanchas, co permiso do señor Gallardón, que igual lle parecemos pouca veciñanza. E máis cousas que veredes!
Farruco GRAÑA
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
