O Observatorio organiza o II CONCERTO MÚSICAS E LETRAS EN FEMININO
O concerto terá lugar o vindeiro venres 1 de xuño ás 21.30h no Cine-Teatro de Ribadeo
O próximo venres 1 de xuño terá lugar, ás 21.30h no Cine-Teatro de Ribadeo, o II CONCERTO MÚSICAS E LETRAS EN FEMININO. O evento, que na súa primeira edición -o ano pasado, en Mondoñedo- contara coa actuación de Ugia Pedreira e Fred Martins e do grupo de pandereteiras Alesancia, ten como obxectivo a promoción da creación artística das mulleres galegas, tanto das que se achegan ás diferentes artes dunha forma amateur,de desenvolvemento persoal, como daquelas que forman parte de proxectos artísticos profesionais.
Para esta II edición contaremos cunha das artistas galegas máis recoñecidas nacional e internacionalmente, Uxía, que estará acompañada do músico brasileiro Sérgio Tannus. Uxía Senlle, que vén de recibir o Premio La Opinión á Mellor Artista 2012, interpretará temas de diferentes momentos da súa fértil e exitosa carreira, da que o último chanzo é o disco Meu Canto (Do Fol, 2011), que figurou entre os discos máis destacados do ano nas listas europeas do world music. Para o Observatorio é un luxo que artistas da talla e da calidade de Uxía colaboren connosco nun evento coma este, dando así a posibilidade aos nosos veciños e veciñas de participaren e asistiren a actividades culturais de primeiro nivel.
Ademais de Uxía, tamén contará este II Músicas e Letras en Feminino con outras dúas actuacións: por un lado Naír e Noemí, dúas das compoñentes do grupo de Meira Irimia Cantareiras, mozas dun enorme talento que están a comezar as súas carreiras artísticas e que se achegan á música tradicional dunha forma fresca e innovadora, e por outro a Coral Polifónica de Ribadeo, unha entidade cultural imprescindible na nosa vila e unha formación de referencia na música coral galega, en cuxa dirección leva máis de 25 anos Mari Carmen Rodríguez Cancelo.
Asimesmo, entre as actuacións musicais, rapazas do IES Dionisio Gamallo Fierros e do IES Porta da Auga de Ribadeo lerán diferentes textos poéticos de autoras vinculadas á Mariña, como Luz Pozo, Olalla Cociña, Marica Campo, Luísa Castro, Carmen Blanco ou Ugia Pedreira.
Dende o Observatorio da Mariña pola Igualdade seguimos a apostar, con este tipo de actividades, por valorar e visibilizar a creación artística – xa sexa profesional ou amateur – das nosas mulleres, neste caso músicas e escritoras. Entendemos que aos poucos o Letras e Música en Feminino chegará a consolidarse na Mariña como un evento cultural feminista de referencia, cun formato innovador e cunha sede fixa (todas as vilas da nosa comarca o irán acollendo nos vindeiros anos).
No concerto deste ano o prezo xeral da entrada será de 3 euros, 1 euro para o estudantado.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
