SUÁREZ BARCIA AGARDA QUE ANTES DE FINAIS DE ANO SE POIDA SOMETER A APROBACIÓN PROVISIONAL O PXOM. O VENRES REMATOU O PERÍODO DE EXPOSICIÓN PÚBLICA COA PRESENTACIÓN DE 540 ALEGACIÓNS.
Ribadeo, 11 de xuño de 2012. O alcalde, Fernando Suárez, agarda que antes de finais de ano se poida someter a aprobación provisional o PXOM. O venres rematou a exposición pública do documento e contabilizáronse 540 alegacións presentadas por veciños e veciñas de Ribadeo.
O rexedor contou que “a finais da semana pasada rematou o período de exposición pública de dous meses de duración do Plan Xeral de Ordenación Municipal de Ribadeo. Todas as persoas que quixeron fóronse achegando á oficina de turismo onde se expoñía o documento e onde o arquitecto municipal lles podía explicar polo miudo en qué consistía para as propiedades dos veciños e das veciñas de Ribadeo”.
Durante estes dous meses presentáronse un total de 540 alegacións, cantidade sensiblemente inferior á da anterior exposición pública do ano 2008 onde se plantexaron 1.167. Suárez Barcia dixo que “en parte este descenso prodúcese porque moitas daquelas alegacións presentadas hai catro anos nas parroquias e no medio rural xa foran aceptadas no seu momento”.
O alcalde ribadense sinalou que “agora toca seguir dando pasos cara adiante para conseguir dunha vez por todas a aprobación definitiva do noso Plan Xeral de Ordenación Municipal de Ribadeo. Durante o verán a empresa redactora, Eptisa, terá que ir estudiando todas e cada una das alegacións para seren contestadas e tamén desde a comisión informativa de urbanismo, da que forman parte todos os grupos da Corporación Municipal, terémolas que supervisar. E teremos que agardar a ir recibindo informes sectoriais doutras administracións, que son obrigatorios, para incorporar no documento. E a ver si antes de que remate este ano o Concello pode someter a aprobación provisional o documento do PXOM, que é o seguinte paso que queda unha vez contestadas as alegacións e incorporados todos os informes sectoriais pendentes”.
Fernando Suárez cre que é unha boa nova, “estamos facendo as cousas modelicamente en todo o que tivo que ver coa exposición pública e co comportamente razonable de todos os grupos da Corporación. Algúns fixeron as súas propias alegacións, todas terán que ser estudiadas, e creo que coas aportacións de todo o mundo enriqueceremos o documento do PXOM, aínda que non o acaba aprobando definitivamente o Concello senón a Xunta. Coa lei na man e coas prescripcións técnicas e legais n aman estou convencido de que teremos un PXOM nun período de tempo razoable”.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
