A Deputación esixirá á Xunta a anulación do proxecto da VAC imposto tras ignorar as alegacións dos 3.000 veciños de Magazos
– Lara Méndez avanzou hoxe en Viveiro que o fará no Pleno cunha proposta na que a institución demandará ó Goberno galego que rexeite o estudo de impacto ambiental que aprobou de xeito unilateral
– Besteiro tamén lle reclamou persoalmente a Feijóo o mércores que reconsidere a súa postura e que teña en conta as necesidades dos cidadáns porque o cambio do trazado parte en dous a Viveiro
A Vicepresidenta Segunda, Lara Méndez, acompañada polo Alcalde de Viveiro, Melchor Roel, anunciou hoxe que a Deputación esixirá á Xunta que anule o estudo de impacto ambiental da variante da VAC que impuxeron tras ignorar a práctica totalidade das 3.000 alegacións dos veciños de Magazos. Farao o martes no Pleno Provincial ó que o equipo de Goberno leva unha proposta coa que insta ó Goberno galego a iniciar as accións administrativas, xudiciais e políticas para frear o proxecto dos populares e atender as peticións cidadás. O mércores, o Presidente lugués, José Ramón Gómez Besteiro, reclamoulle persoalmente ó seu homólogo galego, Alberto Núñez Feijóo, que reconsiderase a súa postura e que tivese en conta as necesidades dos viveirenses porque o cambio de trazado parte a localidade en dous.
Lara Méndez subliñou que “vista a postura da Xunta, levamos esta proposta á sesión plenaria porque entendemos que as administracións deben estar ó sevizo dos cidadáns e, para elo, teñen que escoitar as súas demandas”. Melchor Roel destacou que “unha vez máis esta Deputación, que descubriu que a Mariña forma parte da provincia, apoia á Comarca e ós seu veciños que non recibiron nin unha soa resposta as súa alegacións e que, malia é todo, actúan con seriedade e tranquilidade, defendendo o seu e o do Concello de Viveiro”.
O Diario Oficial de Galicia publicou o 14 de xuño a declaración de impacto ambiental do treito desta vía que atravesa Magazos. Trátansen das obras que o Executivo de Feijóo decidiu unilateralmente incorporar á VAC no 2010, modificando para elo o proxecto que o anterior Goberno galego si consensuara cos veciños de dita localidade viveirense, así como co Concello. Segundo recolle o DOG, a Xunta volta a omitir a decisión veciñal, atendendo, exclusivamente, só 1 das miles de reclamacións formuladas: a modificación da rotonda próxima á escola. Obvia, polo tanto, as alegacións sobre o paso inferior baixo a VAC que fai de acceso á zona da igrexa e ó camposanto, e dun camiño de servizo á Rúa Nova.
Defensa do trazado anterior
O Goberno Provincial, sumando esforzos cos cidadáns, aprobou anteriormente outras tres propostas plenarias que fixo chegar á Xunta, amosando o seu rexeitamento ó cambio da variante da VAC. Estas iniciativas están avaladas por informes técnicos que sinalan a necesidade de recuperar o proxecto anterior, tendo en conta aspectos como a articulación territorial, custes ou funcionalidade. A pesares de recibir tamén esta documentación, Feijóo impuxo a súa decisión fronte á voluntade de veciños, profesionais e institucións. Isto conlevou ata diferencias no seno do seu partido. Mentres en Viveiro os populares rexeitaron a modificación deste proxecto, a nivel provincial o PP avalou no Pleno da Deputación a imposición do Presidente galego.
Prazos da VAC
Na mesma proposta, o Goberno provincial demandará ó Executivo autonómico que defina os prazos para a posta en marcha da Vía de Alta Capacidade. Estes tamén foron consensuados cos veciños hai 6 anos, establecendo como data o ano 2013. Feijóo, antes de acceder a San Caetano, comprometeuse co adianto ó 2011. Coas obras hoxe paralizadas e sen previsión para reanudalas, no Orzamento da Xunta para este ano só se contempla unha partida de 11,1 millóns de euros, repartidos ós 50% entres os treitos da VAC de Lugo e A Coruña, retrasando o remate desta vía na provincia polo menos ata 2017.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
